林二汶父親節自爆婉拒做《造星IV》導師:難以超越上一次嘅自己
撰文:劉傳謙
出版:更新:
林二汶上年擔任《全民造星III》導師,在節目中得到「二汶爸爸」的稱號,她在昨晚深夜趁父親節在Instagram貼文,宣布將籌備一間音樂教室,把音樂透過教育延伸下去,又指選址和師資已經確定。不過最震撼的,卻是在貼文中自爆,日前已經口頭婉拒花姐邀請,不會擔任《全民造星IV》導師。
因為「二汶爸爸」這個稱號,二汶特意在深夜透露這個決定,她直言「上台容易落台難」,又解釋:「我想像,如果我再次做導師,我都難以超越上一次嘅自己。既然唔能過(能夠)做得更好,何不讓更多有才之士去做?經過深思熟慮後,我先下呢個決定。」她也感謝花姐再度給自己有機會再做導師:「呢個節目,真係帶畀我好多好多嘢,我衷心好感激花姐同ViuTV畀咗呢個機會我。花姐成日叫我唔好多謝佢,其實我最多謝嘅係佢。」
+21