聲夢傳奇|姚焯菲不介意富帥爸爸曝光:之前都諗住會有呢一日

撰文:劉傳謙
出版:更新:

姚焯菲(Chantel)今日現身電視城,為無綫(TVB)東京奧運主題曲《奪金》拍攝MV。說到昨晚Chantel再憑《我這樣愛你》奪高分,她卻指自己表現未如理想:「一開始好緊張,覺得自己練極都唱唔好,到比賽嗰陣都仲係好大壓力,後來聽返就覺得自己唱得差過綵排嗰陣。(點解咁緊張?)練嘅時候一路都改緊啲嘢,例如Key唔同咗,歌詞都轉咗。」

談到從JW(王灝兒)和衛蘭(Janice)兩位導師之間二選一,Chantel難以判定自己較喜歡哪位老師,認為自己與JW屬一拍即合,而Janice就像媽媽一般指導自己:「首先佢把聲已經好似媽咪,然後佢有時會摸住你隻手,叫我聽佢唱一次,唱完之後就問我有啲咩唔明,好溫柔。JW老師係好活潑,兩個風格好唔同,但係都好鍾意。」

其實從第四輪開始,學員幾乎都要唱八、九十年代金曲作賽,不過對年僅14歲的Chantel而言似乎問題不大。她認為唱舊歌可以幫助吸引觀眾,直言不排除將來在翻唱方面繼續發展:「呢個可能係觀眾想睇,佢哋都聽開懷舊金曲,我都想向呢一方面行。既然觀眾想聽一啲以前聽開嘅歌,咁我唱呢啲歌可以帶返一啲回憶畀佢,係好事嚟。」她坦言自己也想挑戰新歌,又透露在餘下兩場比賽,其他成員都會試唱新歌。

Chantel對上場表現不滿意。(葉志明攝)

談起最近Chantel的家庭背景曝光,她直言:「之前都諗住會有呢一日,我唔會太過介意,只不過希望大家會留意多啲我唱歌方面嘅嘢。(屋企人點睇?)佢哋有留意到,但係都唔係特別介意。」

發表評論...