【拉闊音樂會】林家謙想同柳應廷再續前緣:成日噏住佢嘅歌嚟唱

撰文:劉傳謙
出版:更新:

商台今日(5/7)在亞洲國際博覽館舉行記招,宣布姜濤、林家謙、柳應廷(Jer)和Tyson Yoshi將在9月27日聯手,於亞洲國際博覽館Arena舉行《拉闊音樂會 風火雷電》。過去一段時間,Tyson Yoshi都在台灣舉行演唱會,直至5月才回港,他本來只打算短暫逗留陪女朋友,後來接受拉闊邀請,決定繼續留在香港。他透露在台灣的工作團隊曾建議Tyson拒絕邀請,但他直言:「佢哋唔係香港人,唔明白呢個演出嘅意義,我聽到之後就話『唔唱?傻㗎?』佢哋諗到如果要隔離,來回都28日,不過返嚟之後,嗰邊就開始有疫情,都唔知幾時先有得返去。我覺得係個天幫我決定咗。」

Tyson Yoshi本來打算留在台灣發展,不過在收到《拉闊》邀請後,他決定回港表演。(梁碧玲攝)

至於他們覺得《拉闊》的意義何在?Tyson認為能在舞台上演出,是對每位音樂人的製作模式給予認可:「平時有會喺Instagram問我點樣做歌,點樣入門嘅年輕人,畀佢哋有個希望,我呢個方式係可以嘅。除咗係畀我嘅一份認可,仲係畀佢哋有一個信心。」家謙也覺得能獲邀演唱是一種認可,對獨立歌手而言更是難得:「我同Tyson都係開自己公司,唔會有大公司嘅資源同規劃,所以以我哋嘅背景,可以企喺呢個台上面一齊演出,都係一個好大嘅認同。」

家謙認為今次獲邀上台,對獨立歌手而言更是難得。(梁碧玲攝)

談起姜濤因為Tyson的《Something》而促成《Master Class》的誕生,Tyson指期待與對方合作,認為在曲風上能很快取得共識:「期待係有嘅,而呢個係我平時有玩開嘅曲風,所以唔會擔心之後撞出嚟嘅嘢會點樣,已經略略知道首歌出到嚟會點,或者係往一個咩方向。反而同Terence合作,就會開始諗,如果有機會嘅話究竟可以撞到啲咩?」

Tyson大概知道與姜濤合作的方向。(梁碧玲攝)

至於家謙則期待與Jer繼ViuTV音樂節目《歌手門》後再合作:「之前都算合作過嘅,當然嗰陣多咗個……人啦(指Serrini)。不過如果講緊淨係我哋兩個,都好似真係冇合作過。我自己都成日噏住佢嘅歌嚟唱,經常掛喺口邊,例如《水刑物語》,唔知有冇機會一齊唱呢?」

家謙話自己成日都哼起Jer嘅《水刑物語》。(梁碧玲攝)

點擊圖輯睇記招現場:

+47