ViuTV魯庭暉評《拉闊》 擔心姜濤Jer失準:情緒好似考緊車牌
在上星期一(27/9)舉行的《拉闊音樂會 風火雷電》,ViuTV總經理魯庭暉也是座上客。今日(3/10)他在Instagram分享姜濤跳唱《前傳》的片段,除了憶起在姜濤出席活動暈倒後的對話,也直言因這首4屆《全民造星》主題曲而受到啟發。
姜濤拒絕休息繼續開工
先談當晚《拉闊》,魯庭暉直認自己喜愛Tyson Yoshi和林家謙,不過當晚在座位上卻擔心姜濤和Jer的狀態,因為前者早期出席活動時不適暈倒,後者在臨近開騷才受到氣管敏感困擾,直言在台下看著他們表演時,情緒「都係好似一個考緊車牌嘅人,俾個考官啤住嗰個感覺咁上下」。他又踢爆姜濤曾直接致電給自己拒絕停工休息:「早排唔舒服嗰個,我叫咗佢去食多啲嘢,唔准再驚肥skip晒d野(啲嘢),叫佢抖(唞)多兩日,唔畀佢咁快開工,佢就打嚟唔畀我唔畀佢開工。」
對《前傳》感受最深
至於當晚眾多歌曲,為何會特意分享《前傳》的片段,魯庭暉坦言這首是唯一一首在情感上「入到去」的曲目:「我好少完show之後send message同返佢哋講個show有乜嘢好,send親都係唔好嘅comment(喂,係咁㗎啦),嗰晚我send左畀果位歌手:編得好,你亦handle得好。」他又指作品難度在於每年要因應主題而作不同編曲:「每年都要有唔同嘅arrangement(編曲),唔同嘅version(版本)。呢樣嘢係有難度㗎,首歌又要襟聽,又要有空間畀未來作出變化。」他又透露早前已經看過《造星IV》版《前傳》的MV,感覺與前三屆不同,指觀眾很快會看到。
要常新先要進步
聽著姜濤演繹《前傳》後,他稱在回家途中陷入沉思,也思考著為何要做到常新,他也與網民分享反思後的領悟,指常新的關鍵是學懂進步:「要常新,可能有100個方法,而其中一個方法,叫進步。你進步,就會上一個層次,上咗一個層次,就會唔同,出嚟嘅野就會新,不過呢個新,其實唔係最主要目的,佢係副產品,進步,層次,先至係主菜。只不過你不停進步、不停推高自己,自然常新。唔係一定要追求常新,但一定要追求進步。要進步,就要靈活;靈活,就能活現。」
最愛《盡力呼吸》
雖然最有感覺的是《前傳》,但魯庭暉說自己最喜歡的是岑寧兒《盡力呼吸》。他又透露自己有意在ViuTV五周年時推出合輯,收錄過去ViuTV出品的歌曲,不過最後計劃無疾而終,笑說:「隻碟就叫《我們的五年》,我響個會到建議完之後,成班同事完全冇反應,30秒後有個同事終於問口:『不如叫tea囉』。」