專訪|由music zone到麥花臣 陳蕾成就解鎖:呢個timing係好好

撰文:鄺鈺瑩
出版:更新:

由廣州到香港、由獨立歌手到華納歌手、由Music zone到4場的麥花臣,再加一張實體專輯,看似是超額完成,但陳蕾卻十分謙虛地表示:「都好唔錯、今年係OK盡職,搞埋個show可以好好打機,回歸種植生活……」

為了應付一連四場的個唱,陳蕾早在6月時重新學唱自己的作品,最近亦開始進入養聲期。她叮囑買了門票的觀眾到時一定要準時入場。(梁碧玲攝)

新歌取名為《沙門》,泛指所有修行中的學徒,陳蕾透露在一次的朋友聚會中,其中一位友人不斷批判別人,又慨嘆自己懷才不遇,負能量之勁令陳蕾最終提早離席繼而失眠。「我本身習慣臨瞓前睇/聽書以作靜心,而嗰日睇到沙門呢個詞語,覺得好啱形容自己,亦都好想將呢種佛學智慧分享出去,結果就一口氣寫咗好多歌詞,寫完之後係好開心,其實《沙門》係一首幾正能量嘅歌,只不過疑惑味、宗教味重啲。」

繼《娑婆》後,陳蕾再以宗教為題,創作出《沙門》。

陳蕾如今看似豁然開朗,但其實也經歷過容易妒忌、想法負面的階段,結果令工作伙伴甚至另一半十分有壓力。「每一段關係完結之後,我都會檢討,睇返自己有咩地方可以變得更好。其實都有試過搵朋友傾訴,但都會傾到煩,所以我就決定睇書,每次唔開心都會睇書,幫助好大!而家係已經唔怕遇到低谷,因為一定會跨得過……」而陳蕾最近迷上的是如何安慰別人……

陳蕾2019年在music zone舉行的《1029》音樂會,全企位門票賣380元。(fb圖片)

月底舉行的演唱會,其實本應在去年發生,回想公司向她提出這動議時,第一個反應是「咁快?」以及擔心。陳蕾說:「因為我2019年仲係喺music zone,之後喺演藝學院,但門票都係200同120元,所以一跳去麥花臣係好擔心,同埋公司一嚟就話兩場,都有少少淆底,直到開賣,係好驚喜,反應比想像中好好多。」

陳蕾在叱咤頒獎禮上首奪女歌手銀獎,原來呢個原來只係增加了她丁點的信心。(ig圖片)

儘管去年的樂壇成績不錯,但陳蕾認為這與賣飛是兩碼子的事,更何況同期開騷有同公司的張天賦、洪嘉豪、衛蘭,說不擔心才怪!「不過其實呢個timing係好好,因為愈來愈了解自己、清楚自己音樂想走咩路線,愈來愈可以比多啲自己嘅諗法團隊去進行延伸嘅創作,之後嘅音樂將會更陳蕾。」試完麥花臣,是否意味可以挑戰紅館?「早兩日有同事同我都傾過,有機會當然想開大少少,少啲埸次都可以,因為咁嘅聲音狀況一定係最好。」

疫情關係,身在廣州嘅爸爸未能來港觀看演唱會,陳蕾雖然感到可惜,但有信心將來一定會在廣州開騷。(梁碧玲攝)

開騷的同時,陳蕾加盟華納的首張實體專輯亦會推出,公司的重視程度可見一斑:「每次有實體嘅東西去記載自己音樂上嘅努力,係歌手最好嘅卡片,同埋今次個騷係公司坍辦,應該係佢哋睇到我好熱愛舞台上表演,所以願意去做主辦,其實第三場係打和。」由於疫情關係,所以演唱會門票只能發售八成半,但唱片公司為安全起見,決定只賣七成 ,再加上紅館式製作,實際能賺的確係所餘無幾。

Hair: Franco Chung @ Leonardo 3 Hair Corner

Make up: Angel Mok

Wardrobe: American Eagle

發表評論...