伍仲衡音樂會|超時趕七仙羽落台 唔怕師傅嬲:佢講嘢其實好好笑

撰文:張國基
出版:更新:

一連兩晚於九展Star Hall舉行的《伍仲衡再搞花臣音樂會》,在昨晚(17/10)完滿結束。伍仲衡騷後與嘉賓合照,更開香檳慶祝,又與神秘嘉賓七仙羽「合巹交杯」場面搞笑。雖然唱到12時,但他接受《香港01》訪問時直言不覺得累:「好熱,好肚餓,但係唔算攰,因為有音樂玩我就會好精神。頭先載歌載舞,其實喺台中央係好熱,剛才著嗰件褸比呢件更加厚。」

伍仲衡與神秘嘉賓七仙羽「合巹交杯」。(梁碧玲攝)

今晚不但唱到午夜,更要刪除本來的Encore部份,伍仲衡直言害怕被罰錢,不希望投資者蒙受損失,雖然事前已經預計觀眾不願離開,但自己在控制時間上失策:「頭先七師傅上嚟講嘢,佢講嚟講去都唔知佢想講咩,導演話已經夠鐘去下一part,但係我請唔到佢走,所以要請同事帶佢走。但係嗰部份其實係好好笑,啲觀眾睇得好投入,雖然唔明七師傅講乜。(怕唔怕對方嬲?)唔會,佢份人咁玩得,點會嬲呀?我頭先仲同佢講,佢嗰part真係好正。」

伍仲衡今次也作出新嘗試,與EO2共舞,他指事前獲對方指點,練了一個星期,慶幸這次動作不算難:「其實動作係好簡單,但係要跳到好似留住dancer嘅血,我就肯定做唔到,最多都係擺到姿勢,最緊要大家睇得開心。」在演唱會後,伍仲衡將擔任J.Arie(雷深如)12月個唱的音樂總監,他坦言過去籌備演唱會同時,也與王菀之推出專輯,騷後希望爭取時間休息:「我終於都可以唞啦,過去三個幾月嘅時間做咗一隻碟,同埋完成一個演唱會,我好想瞓返三日。之後J.Arie都開騷,但係已經係12月嘅事,應該有足夠時間籌備。」

問到觀眾反應熱烈,會否再下一城舉行Part 3,伍仲衡指一切看緣分安排,直言希望透過不同演出為觀眾帶來歡樂:「我有一個粉絲係傷殘人士,佢今日特登嚟睇,我好開心。佢話睇完我啲直播,會覺得開心同冇咁辛苦,我好感動,同佢影相、簽名之後,佢又開心。其實音樂可以帶畀大家好多正能量,我乜都唔識,只係識音樂,如果我嘅音樂可以畀大家娛樂,令大家開心,我都開心的話,就一定繼續做。」

想瞓足3日再開始餘下工作。(梁碧玲攝)