Chill Club|葉巧琳力壓姜濤奪冠軍歌 唔怕惹負評:我點同佢鬥?
撰文:劉傳謙
出版:更新:
ViuTV音樂節目《Chill Club》最近邀請葉巧琳(Mischa)擔任嘉賓主持,除了與歌手互動外,更有機會一起合唱。今天(25/10)Mischa現身ViuTV參與節目錄影後接受《香港01》訪問時,直言今次身兼主持不太緊張:「今次會做三集,如果講做主持,其實之前公司嘅周年晚宴都要我去做主持,同埋今次有Thor(駱振偉)帶住,感覺都幾輕鬆同興奮,因為可以同唔同歌手夾medley,唱多幾首歌。」
Mischa透露今次無緣與同場的MIRROR成員AK(江熚生)、Lokman(楊樂文)和樂隊ONE PROMISE合唱,不過在較早前有幸與偶像合唱:「我之前會喺K房唱佢嘅歌,今次就可以喺度同佢唱一啲從前喺K房唱嘅歌,可以話係達成願望,成就解鎖。」
今個星期Mischa與《全民造星III》隊友Manson(張進翹)合唱的《心獸(怪物version)》贏得「Chill Club推介榜」冠軍,她指較早前已為歌曲錄影,但不知道歌曲登頂日期,自己亦無暇觀看節目直播,不過也感到高興。然而在同一時間,姜濤《Dear My Friend,》則落榜,與冠軍刷身而過,再次在網上引起熱議,Mischa稱沒有看網上言論,又不擔心此事會引起「姜糖」不滿:「我哋大家嘅觀眾圈子都唔同,其實我又點同佢鬥?同埋依家又唔係鬥唔鬥嘅問題,依家樂壇都可以有多啲唔同年紀、唔同音樂風格嘅人,絕對係好事,多啲嘢聽,畀大家選擇。」