2022跨年|任賢齊首次在港與觀眾倒數 半年冇開騷認對舞台陌生

撰文:劉傳謙
出版:更新:

除夕夜晚(31/12),各區都有倒數活動及跨年演唱會,而《2021美麗的夜 香港跨年演唱會》就在中環海濱活動空間舉行。今次是任賢齊(小齊)第一次在港渡過除夕,除了與Supper Moment合唱《任逍遙》和《橙海》外,更獻唱《心太軟》和《浪花一朵朵》。

小齊在上台表演前接受傳媒訪問時,直言今次表演前有點緊張:「對舞台有啲陌生,因為已經有半年冇正式開演唱會,今次仲要係戶外嘅演出,所以有啲緊張,但係都好興奮,我會全力以赴,希望唱好啲歌畀大家。」談到首次在港迎接新一年,小齊直言相當期待:「之前都係喺其他城市,今次可以喺香港,仲要係戶外,所以好開心,好興奮。(會否回台灣過年?)今年應該冇機會,因為隔離嘅時間長,同埋我依家喺香港拍緊《九龍城寨》,聽講要拍到過年,我要努力拍好佢。」

至於2022年新年願望,小齊希望疫情盡快離去,重拾正常生活,又說巡場開到一半被迫暫停,期望能盡快重啟巡場計劃。