生力軍音樂會|炎明熹因確診缺席 姚焯菲唔開心:好掛住佢!

撰文:陳芷穎
出版:更新:
Chantel與MC合唱《Honest》和《How Many Times》兩首英文情歌。(葉志明攝)

叱咤樂壇 Brand New Live 生力軍音樂會》今日(9/9)於亞洲國際博覽館舉行,姚焯菲(Chantel)除獻唱首本名曲《原來談戀愛是這麼一回事》外,亦與MC張天賦合唱《Honest》和《How Many Times》兩首英文情歌。Chantel接受訪問時表示首次與MC合作非常開心:「之後聽佢嘅歌都好好聽,所以覺得好開心,佢唱得好好聽。」

Chantel首次與MC合作非常開心。(葉志明攝)

好友炎明熹(Gigi)原定亦會參演音樂會,但因月初確診而未能出席,Chantel坦言有少許不開心:「好掛住佢,當初好似有個伴喺度,但而家佢喺屋企休息緊,都戥佢開心有個時間可以休息。」問到Gigi的身體情況,Chantel透露:「佢冇特別提及,但佢有覆過我哋group message,所以知道佢好番緊,喺屋企休息緊。」

而193@ERROR曾在訪問中提到希望與Chantel和Gigi合作,Chantel說雖然今晚的音樂會未有合作,但如果碰面都會跟對方打招呼,亦期待將來有合作機會:「有都會開心,好想繼續有咁大型嘅騷同其他歌手合作。(頭先喺後台未見到佢?)頭先好快經過咗,冇好慢咁留低同佢打招呼。(會唔會想影番張合照?)都可以嘅,可以影番張合照。」

Gigi因月初確診而未能出席音樂會,Chantel坦言有少許不開心。(葉志明攝)