尖沙咀誠品開保育傳統手藝小店　客人可即場寫小巴牌、雕麻雀

非牟利社福機構「生命工場」於今年二月至四月，在尖沙咀誠品開設店舖「REstore EXPO」，寄賣香港不同傳統手藝產品，舉辦工作坊，還設「見學體驗」——這裡的客人可即場手寫小巴牌、麻雀雕刻、刺繡等等，希望更多人能藉此認識香港的傳統手藝。
攝影：顏寧、由受訪者提供

由小師傅指導客人即場體驗：「希望做到真正嘅承傳。」

生命工場在油麻地亦有REstore店舖，但是，地理位置無法吸引遊客。生命工場服務主任／編輯（社區發展）梁敏菁說，他們希望將技藝融入社區，推廣給更多人：「將社區嘅嘢帶過嚟呢度（誠品）。」

對於生命工場來說，這裡更是一場實驗。他們過去舉辦的工作坊之中，培訓了一些年輕的「小師傅」。這次，他們會成為誠品店平日的駐場師傅，主力負責指導客人的見學體驗。梁敏菁說：「小師傅呢2、3年學咗嘅嘢，好想睇到可唔可以係呢度實踐到。客人當然唔會一次就學到，重覆學習先可以達致傳承。可以去試試啲小師傅，佢哋學到嘅嘢可唔可以教到人。」推廣之餘，也希望能藉此鍛煉小師傅的手藝：「希望做到真正嘅承傳。」

其中一位小師傅90後家豪起初在生命工場做義工，在工作坊當師傅的助手，耳濡目染之下漸漸掌握了這些手藝的技巧。現在繼續在這裡擔任駐場師傅，教授麻雀雕刻、小巴牌書寫：「希望可以留到師傅嘅手藝，睇吓有冇方法可以生存。」

開幕當日，蘇師傅即席示範手雕麻雀。詳情請點擊下圖：

為消逝的手藝注入新元素 

「快富麻雀」蘇師傅13歲入行當手雕麻雀師傅，至今已有40年，結業後，蘇師傅在生命工場的工作坊教授，家豪已向他學藝兩年多。這裡的手雕麻雀，有些由家豪和蘇師傅共同創作。有別於以往一式一樣的「萬、索、筒」，這些麻雀刻上不同圖案和字詞，如「人品好，牌品自然好」、「爛牌」、「用心打」。由家豪設計和上色，並由蘇師傅負責雕刻。對於生命工場重新包裝這門手藝的嘗試，蘇師傅說：「都好啊，唔使咁死板，貪得意當啲紀念品、裝飾品，容易啲嘅方法去認識（手雕麻雀）。」

他回想當年，還記得警察的薪水只有600元，他一天雕刻三副麻雀，月入700、800元。後來麻雀逐漸由機器生產，手雕麻雀的手藝也漸漸消逝，蘇師傅結業前也沒再售賣手雕麻雀，只是偶爾替客人「翻雕」舊麻雀：「今時今日麻雀師傅都搵唔到1萬，全部都係機器化，市面上都無人做手雕麻雀，死一個就少一個。」

師傅：傳承和推廣很重要

在這裡寄賣繡花鞋的先達商店第三代繼承人Miru說，自從2010年，鞋店遭逼遷後，找不著地舖，在寶靈商場的店舖依靠網上宣傳才能吸引新客源。這次在誠品擺設產品可讓更多人接觸和認識繡花鞋。

另外，曾為不少港產片題字的書法家華戈師傅說道，書法是中國國粹，自覺自己有份承傳的責任：「教識新嘅人好重要，我學嘅嘢係世界畀我，好感恩。70歲人，唔通帶埋落去咩。咪將你學嘅嘢傳畀下一代，等佢哋發揚光大，先對得住天地。」 

手作人：老師傅的手藝是重要的知識 

白犬工坊本來做木藝作品，如木戒指、木雕、木筆。手作人Canter說，大部分時候只憑閱讀參考書或網上視頻，自行揣摩製作方法。後來參與REstore的木雕工作坊，向郭記木器雕刻的郭師傅學習平面木雕：「太成日睇片、書，好難肯定自己係啱定錯，識得揸雕刻刀，都想睇下其他師傅點做，睇下自己做嘅嘢有冇錯，嘗試其他嘅方法。有時睇書比較籠統講每把刀嘅用法，（那次的工作坊）會得到技巧上嘅啟示。」即使平面雕刻和立體木藝品無直接關係，Canter亦覺老師傅的手藝有其意義：「我覺得係一啲好重要嘅知識，無佢哋嘅發展，唔會得到唔同嘅方法去雕嘢，內化咗去做唔同嘅嘢，呢啲係一啲基礎。」