元朗人口超過60萬 區議員促盡快建新政府大樓
撰文：李穎霖
出版：更新：
元朗區區議會將於下月4日舉行大會，現時已有兩群區議員不約而同地呈上文件，要求於區內興建新的政府合署、綜合服務大樓，但一份是要求興建新的元朗政府合署大樓，另一份則促政府落實在天水圍興建綜合服務大樓。
對於兩份文件是否指同一項目，有份聯署要求建新元朗政府合署的元朗區區議員沈豪傑指，現時的建議中未提及選址，但他對興建的位置持開放態度：「個個都想設施起近啲自己屋企，但首先要政府肯起，再搵一個戰略位置，可以照顧到方方面面。」
不過，兩份文件都有聯署的同區區議員黃卓健澄清，兩個建議並不是針對同一項目。「林鄭月娥之前喺施政報告話想喺天水圍加設街市，早排已經話覓緊地，咁嘅話不如唔好浪費空間，起高啲、多啲設施。」故區議員們動議，不如興建街市之餘，在同一建築加入其他政府部門的服務，方便街坊。
元朗區區議員黃卓健指，希望政府在天水圍建街市的同時，可將街市的大樓「起高啲」，加入更多設施。(資料圖片)
縱然兩提案不一樣，但不變的，是區內人口急增、政府服務不足的事實。「天水圍人口都有30萬，有啲區10幾萬人口已經有綜合服務大樓，天水圍都足夠條件有一個。」黃卓健說。
元朗橋樂坊現時亦有一政府合署大樓，但沈豪傑指，隨着元朗的人口增長，舊的大樓已不夠用：「新界唔再好似幾十年前咁得好少人，一個理民府（最早設立的新界管治中心）就搞得掂，𠵱家元朗有60萬人口，遲啲更可能上升到100萬，係可以媲美一個立法會選區嘅人口量。」
人口急促增長，元朗區區議員沈豪傑指現有的政府合署大樓已不夠用。(資料圖片)
現時元朗，甚至整個新界西，也未有足夠政府部門的辦事處，每當居民要用到部分政府服務，也要到港九辦理。「好似運輸署咁，居民要續牌就要出去九龍或者新界東，而申請法援，就要出到金鐘或者旺角。」舊的大樓地方有限，沈豪傑打趣指「區議會都坐得好逼」，若不建新大樓，即使將來政府願在公共服務上增加人手，也未必有足夠地方提供服務：「區議員坐逼少少唔緊要嘅，短期問題都可以解決，但長遠嚟講唔理想，因為人口好急速咁增長緊。」
