《本週之最》第1位:THE NORTH FACE 開襟羊毛外套 只需$1,497!

網購攻略
網購攻略
撰文:
最後更新日期:

小編定期會同大家分享每週唔同嘅至抵買產品,務求大家可以喺最抵最好嘅時機買到性價比極高嘅好物,做個精明醒目嘅消費者!

本週之最 第1位:THE NORTH FACE ARMADILLA Cardigan

第1位:THE NORTH FACE ARMADILLA Cardigan ¥20,900日元 (約HK$1,497)

天氣又轉涼啦,係時候要入手新衫新褸過冬!係小編尋尋覓覓之際,就喺日本樂天市場搵到呢件The North Face嘅開襟羊毛外套。The North Face呢個款嘅外套小編暫時5喺門市都未見過,所以相信喺香港同人撞衫嘅機率係極低!而且呢件羊毛外套採用嘅物料有高保溫力,材料輕得嚟之餘又有厚度,亦有高透氣性,以及防靜電設計。作為一件戶外保暖用品,呢件羊毛外套絕對夠晒禦寒!

+2

第2位:New Mens Superdry Expedition Zip Hoodie GBP$54.99 (約HK$554.03)

男士們唔使驚,細心嘅小編都有幫你哋搵到合適嘅禦寒衣物過冬!呢件Superdry衛衣以羊毛製造,相當保暖,喺香港着的話一件長袖T-shirt加埋呢件褸已經夠晒保暖~

小編幫大家上咗Superdry嘅官網睇,呢件Hoodie市價係要HK$1,730㗎。𠵱家只需3份1價錢都唔使,就可以買到呢件暖笠笠嘅衛衣了,冇理由唔推介畀大家!

第3位:COCOPOT 圓形便當盒 ¥2,200日元 (約HK$157.56)

唔知大家有冇睇上星期嘅《本週之最》呢,上星期小編就介紹咗一個顏值極高嘅兩層日式便當盒,而今個禮拜小編又發掘到外貌精緻嘅飯盒喇,仲要係日本製造㗎!呢個COCOPOT圓形便當盒嘅外觀真係好吸引,一共有10隻顏色之多可以揀,小編最鍾意就係美人魚藍色喇!

呢個飯盒同樣兩層設計,可惜上層設計較淺,擺唔到太多餸。有保溫功能,平日喺屋企用嚟將飯餸留起都幾方便。盒蓋仲有防漏設計,唔使怕會將菜汁倒瀉。以後留飯可以唔使東一盒西一盒喇,一個飯盒就搞掂!

+2

第4位:Ray-Ban RB3594 Beat Oval Sunglasses US$78.93 (約HK$617.7)

雖然熱辣辣嘅夏天過咗,但係抵擋紫外線係一年365日都要堅持嘅事!小編就喺eBay搵到呢副Ray-Ban RB3594,平過市價接近一半!事關喺香港門市買的話,價錢大概要HK$947-$1,090。呢個款式簡約百搭,而且有6個顏色可以選擇,無論係男仔定女仔都啱。

呢個賣家已經喺eBay嘅"Longtime member",表示已經相當有經驗,獲得超過99.3%好評。而且呢件貨品已經售出超過310件,有興趣的話可以撳入去睇埋買家購買嘅評論。如果平日你會揸車的話,買多副太陽眼鏡放喺車入面用,咁就方便得多啦~

第5位:Anello Anero 超輕量帆布背包 ¥4,950日元 (約HK$355.47)

Anello Anero呢個牌子嘅書包之前都有見好多同學仔孭,都幾受女同學歡迎㗎。一共有12隻色可以揀,即使多人用都唔怕撞款會撞到應一應啦!而且小編最欣賞就係佢嘅容量十分之大,擺多幾本中史書再加部電腦都冇問題,側邊仲好好多口袋設計,收納空間好多,超實用!

呢個背囊喺日本樂天市場買只需港幣約$355!三百幾蚊買個書包,仲要材料一啲都唔馬虎,帆布質地表面係有防潑水設計㗎。

+3
+2

(產品資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。