【Black Friday攻略】男生秋冬層次穿搭小建議& HBX 7折單品推薦

網購攻略
網購攻略
撰文:
最後更新日期:

隨住天氣越嚟越凍,大家開始摷番衣櫃深處嘅大褸出嚟未呢?定係打開衣櫃,發覺自己又差咁一件衫?一件能夠禦寒,又出得門口見得人嘅保暖冬裝?相信意識到呢一點嘅女生們已經9秒9衝咗出去行街置裝,但男士們又如何呢?夏天都仲可以一件T-SHIRT或恤衫就搞掂造型,但嚟到冬季,當要配搭外套嘅時候,係咪覺得𢲷晒頭唔知點襯好?

秋冬穿搭之所以會令人覺得頭痕,重點在於服裝類型、款式同着上身嘅數量都較夏季多。雖然聽落好似好高難度,但其實層次混搭又冇絕對嘅法則嘅。只要摸清各類衣服點樣配搭,再留意一下今年嘅秋冬大趨勢,重點出擊,一樣可以着得又暖又有型,今次小編就為各位巴打們整理各類秋冬衣服如何配搭,以及推薦大家值得入手嘅單品

睇完啱心水,就記得要睇埋文末教你點買最抵!

外套穿搭小建議 & 單品推薦

外套可以話係冬裝入面嘅最大類別,如果非要選出必備單品,小編會建議大家入手中長身大褸、牛仔褸、Jacket、風褸呢4款外套,事關除咗中長身大褸同Jacket之外,另外兩款春秋一樣着得。中長身大褸可以配搭唔同嘅內搭衫襯出英倫風或者韓系造型,而牛仔褸同風褸就唔使多講,幾乎係長年必備,唔會令造型點失手嘅款式。既然外穿,小編建議大家不妨大膽啲,試試入手黑白灰以外嘅顏色,或者多色拼接嘅款式,為成個look加多少少亮點同記憶點!

▼撳入下圖睇推薦單品及價錢▼

+2
+2
+2

衛衣穿搭小建議 & 單品推薦

衛衣係冬天最百搭嘅單品,不過天氣一凍,衛衣就唔夠保暖,呢個時候可以選擇內搭恤衫,襯出斯文look,或者疊穿比衛衣高領或長身嘅長袖衫,襯番個causal街頭look,當然亦都可以外加長軍裝外套,式者短身外套。除咗常見嘅有帽衛衣外,小編建議大家入手埋圓領衛衣,以及高領拉鍊衛衣,同樣係今年大熱嘅款式,亦都較容易做層次混搭。

撳入下圖睇推薦單品及價錢

針織衫穿搭小建議 & 單品推薦

針織衫嘅設計同款式雖然好多時都冇衛衣咁搶眼,但其實可塑性都不容小覷。如果想用嚟做內搭嘅衫,小編建議可以揀番啲細針嘅針織,如果用嚟外穿,就可以入手多幾件粗針針織,營造冬日嘅慵懶感,而最穩陣當然係襯番件恤衫,但若然嫌咁襯太悶,亦都可以嘗試攝衫再加皮帶嘅着法,就算係件單品有幾簡約、有幾普通,加上小細節都唔會令人覺得又悶又老土。

撳入下圖睇推薦單品及價錢

之不過小編都深深明白,臨近年尾,支出越嚟越多,荷包就越嚟越薄,如果想用最少嘅budget買到最多嘅冬裝,就千祈千祈要趁Black Friday呢段時間出擊,事關折扣真係多到數唔晒,就好似小編今次主力搜刮嘅網購平台HBX咁,購買一件貨品已經有7折,而買夠兩件更有9折

🔻HBX Black Friday優惠🔻

購買一件正價貨品,結帳時輸入優惠碼【BLACK30】,即有7折優惠,而購買兩件或以上正價貨品,結帳時輸入優惠碼【BLACK40】,更有低至6折嘅折扣

👉按此前往HBX👈

(HBX截圖)

(優惠及產品資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。