網購攻略

整理四款韓妹們2019年最愛眼影盤!CP值極高全部唔過$200!必收!

撰文:小甘
出版:更新:

韓國被網民譽為「美妝天堂」,每次去韓國都必需要狠狠掃貨,無論係化妝品抑或護膚品嘅選擇都琳琅滿目,買到爆晒篋都唔捨得停手。點解?原因好簡單,咪就係好多韓國品牌喺香港都買唔到囉😭 雖則出一轉旺角西洋菜南街就已經搵到幾間韓國化妝品店,不過好多真正喺韓國大熱嘅品牌,或者係韓妹們真正愛用嘅品牌都尚末進駐香港。其實,想買韓妝都唔係一定要飛韓國㗎!最近就畀小編喺網上搵到一個大型購物平台,一個網站就可以買齊韓國時下最Hit嘅彩妝品,韓妝並唔係淨係得3CE、etudehouse、innisfree㗎,一齊睇睇仲有咩性價比高、人氣高、顏值高嘅產品值得入手喇!

「YesStyle」購物網站囊括來自日韓台嘅時裝、彩妝品及生活百貨,可以買到嘅韓國彩妝品實在數之不盡。今次就同大家集中回顧一下2019年必買嘅四大眼影盤,全部價錢都唔超過HK$200,啱晒一眾學生哥、小資女、化妝新手!

🔻 Peach C - Soft Mood Eyeshadow Palette - 2 Colors HK$ 154.71🔻

Peach C係韓國人氣Blogger 「Haneul하늘」於2018年成立嘅自創品牌,不足兩年嘅時間已經迅速喺韓國彈起,深受韓妹們喜愛。而呢款Soft Mood Eyeshadow Palette可以話係Peach C嘅代表作,一盤總共有9隻顏色,乍看之下同3CE嘅9色眼影盤都有幾分相似,不過價錢上就有明顯落差,Peach C足足平價一半有多除番開每一格眼影都只係$18!

Peach C Soft Mood Eyeshadow Palette總共有兩個色號,分別係#Soft Brown#Soft Coral。#Soft Brown係2019年秋冬先推出嘅新色,一盤齊集matte,shimmer及glitter三種唔同質地嘅眼影,可以輕易打造出有漸層感嘅眼妝。全盤色選都係大地棕色系,唔挑膚色以及眼型,而且顏色實用又百搭,屬於一年四季都啱搽嘅顏色!

+2

#Soft Coral走甜美青春路線,全盤顏色都係較粉嫩嘅珊瑚蜜桃色,比較適合春夏天。粉質細膩唔飛粉,上眼顏色清透自然,並無想像中浮誇,日常使用都無問題,新手都可以輕易駕馭。

+1

🔻MISSHA - Color Filter Shadow Palette #9 Rose Prism HK$ 150.01🔻

MISSHA相信大家都唔陌生,繼2015年全線結業之後,𠵱家都只剩下幾間概念店同專櫃。雖然都可以係香港搵到佢嘅分店,但若果想要買韓國最新推出嘅化妝品都係要等好一段時間。

新鮮滾熱辣!MISSHA Color Filter Shadow Palette就係2019年12月推出嘅新品!一盤有齊眼影加胭脂,眼影總共有7個顏色主要係粉色、玫瑰色以及大地色包含霧面、珠光、亮片三種質地;而胭脂都有兩種唔同顏色畀你選擇,唔使再另外搵胭脂去配襯番嗰眼妝。若果你經常要四圍飛,只需要帶呢一個彩妝盤就可以化出多款妝容,超級方便。

🔻MISSHA  - Color Filter Shadow Palette  (Line Friends Edition)🔻

#06 Cony HK$ 165.56 / #05 Brown HK$ 197.91

小編見到呢盒眼影立即心心眼再加尖叫😍!若果你都係Line Friends嘅小Fans,拜託必需要入手呢一盤!首先,包裝已經超級可愛,外盒上印有Cony同Brown嘅大頭公仔,打開裡面就會發現每一格眼影都係💗💗形狀。小編實在好佩服韓國品牌,每次聯乘彩妝品嘅包裝外表都係誠意滿滿,每一個小細節都唔會放過。

呢盤都係齊集眼影同埋胭脂,總共有8隻眼影色,另外再有2隻胭脂色。總共有兩個色號,分別係#05 Brown以及#06 Cony。#05 Brown主色調係非常經典嘅大地棕色;#06 Cony主調係比較少女溫柔嘅櫻花粉色

+3

🔻ROMAND - Better Than Eyes Music Series - 3 Colors HK$ 89.91🔻

小編已經唔係第一次介紹ROMAND呢個品牌,事關佢所有嘅化妝品都做得非常出色,不論係氣墊、眼影、胭脂、唇膏全部性價比都極高,質量可以媲美專櫃產品。

而呢款Better Than Eyes Music Series都係2019年初秋推出嘅新品,推出短短時間已經紅遍韓國,唔少韓妹Youtuber都有拍片推薦過㗎!總共有三個色號,而當中最特別,小編最推薦嘅色號就係#DRY BUCKWHEAT FLOWER,顏色主要係冷色調嘅灰棕色,同Tom Ford #cocoa mirage四色眼影盤非常相似。雖則顏色肉眼望上去好似有啲普遍,但搽上眼後效果驚艷,帶有消眼腫嘅視覺效果,適合眼睛容易浮腫又冇深邃眼窩嘅亞洲人,就連單眼皮姊妹都可以搽出迷濛深邃感眼妝!

+2

(產品資料以官方最新發佈為準,價錢最後更新至2020/01/02)