【情人節2020】愛在肺炎蔓延時 留喺屋企一定要做呢樣嘢?

網購攻略
網購攻略
撰文:
最後更新日期:

《網購攻略》今次派出專員走進人來人往嘅銅鑼灣,訪問在百德新街的愛侶,分享一吓佢哋情人節諗住點過,港男港女最想收到嘅禮物又係啲乜,竟然得出一個咁驚天動地駭人嘅答案...... 想知就即刻撳入上面影片睇吓啦!

每當男仔聽到女朋友仔話「唔好嘥錢買禮物畀我啦!」,呢一刻千祈唔好以為自己可以鬆一口氣,你唔係真係以為唔使買啊?

圖片來源:十萬個激嬲女友的理由

唔講唔知,其實好多妹豬真係冇你諗到咁物質,簡單寫幾行字,畫個心畀佢已經可以氹到佢好開心㗎喇!而且男人整嘅手作真係值錢到唔講你唔信,其珍貴在於佢稀有......有心機有時間的話不妨整吓手作仔,寫吓卡片送畀女朋友啦!

至於被訪問嘅哥哥仔咁有信心話「實食冇癡牙」嘅禮物係毛公仔,女小編喺度就不作詳細評論喇...... 自行返去研究女朋友喜好啦!

之但係隻武漢肺炎(sor,係嗰個19唔知咩virus)越嚟越嚴重,情人節點都要苦中作樂啦,如果唔係嘅話BB豬會「詐型」㗎嘛!但係兩個人,男女共處一室,實質又有咩可以做到呢?

👇即睇小編情人節浪漫室內活動推薦👇

1. Netflix and Chill💏

長夜漫漫又冇得出街,留喺屋企做乜?最開心緊煲吓劇啦。之但係傳說90%嘅Netflix用戶睇到電影嘅1/5就會走咗去做其他嘢......

2. 煮飯仔🍳

家吓出街危險,連喺餐廳食個飯都驚隨時中招,最放心緊係留喺屋企兩個人煮飯仔啦,又唔使俾人劏到一頸血食埋啲情人節大餐。最緊要確保自己煮嘢食食完唔會肚痛,而且有人肯洗碗。

3. 一齊打機🎮

女朋友平日都未必肯陪男朋友打機,但大時大節,陪佢玩番兩舖都好吖。(不過男仔請緊記二字:耐性)

4. 換床單🛌

呢排疫情咁嚴重,留喺屋企都唔可以鬆懈呀,尤其床單呢啲,睇完Netflix可能又會整污糟(好多人鍾意喺床上食零食),所以一定要勤力換床單,全面消毒打掃屋企!

而單身人士的話呢...... 講乜嘢情人節啊,星期五嚟之嘛。
又或者不妨採用以下建議:

網絡圖片

同場加映情人節產物的由來......

網絡圖片



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。