【職業治療師媽媽】一個遊戲 相差5歲的兩個孩子都啱玩│愉儀

撰文:梁蔚澄
出版:更新:

編按:愉儀,是一名全職職業治療師,亦是育有兩名仔女的媽媽。可是令她、甚至大多數媽媽煩惱的,就是當一個孩子想你跟她玩時,另一個又要你陪他,但更糟糕的,就是兩個孩子的年齡差並不適合玩同一個遊戲,究竟愉儀有什麼兩全其美的方法呢?

【編按:職業治療師媽媽│愉儀】

(資料圖片/VCG)

一個遊戲 兩個孩子都啱玩

當第一次聽到寶貝叫媽媽時,那個感覺我相信大家還記得很清楚 ──「欣喜若狂」,但現在兩個寶貝卻同時大叫:「媽咪,細佬搶我嘢!媽咪,我今日玩咗乜乜乜!媽咪,我點點點!另一個就媽媽媽媽媽⋯⋯媽到你煩,嗰刻就諗,其實明明仲有爸爸,㸃解唔搵佢呢?

重點是他們二人也要找媽媽玩,應怎樣處理?我想到一些小玩意,希望可以兩個小寶貝可同時玩同一個玩意,那麼媽媽就不用分身。不過,兩個寶貝年紀相差幾年,玩的玩具都唔一樣,大那個玩時又叫媽咪,細那個又要找大那個的玩具,試問又怎會太平?

基於每個年齡有不同發展需要,如果一個遊戲可以滿足兩個寶貝的發展需要就完美了!我想了一個遊戲,今天就與大家分享一個小玩意 ── 手指足球!

(資料圖片)

工具:

用過的擦膠仔X1顔色手工紙X1膠紙

(愉儀提供)

玩法:

1. 大寶和細寶面對面坐,約一米距離。

2. 在大寳前面地下貼一張顔色紙。

3. 首先大寶用前二指作ok手勢,將顏色紙上嘅擦膠仔射向細寶。

4. 細寶需要接住,然後用前二指將擦膠仔放回大寳面前地上的顔色紙,重覆動作。

(愉儀提供)

作用:

前二指操作順暢對我們手部運用十分重要,靈活的手部運用,奠定日後使用雙手扣鈕、穿衣或操作工具,如筆、剪刀甚至成人時要用的搥仔、化妝掃等技能。兩歲前學會用前二指尤其指尖拿著細小物件,四歲後前二指便可順暢獨立運用。也可加強視覺追蹤,訓練專注力,寓遊戲於訓練,寓訓練於娛樂,兩個寶貝玩到咔咔聲。

職業治療師│愉儀

一位全職職業治療師媽媽,育有一個6歲囡囡同16個月大囝囝。其實,玩並不是複雜的事情,希望在這裏分享「一個活動,兩種玩法、三個開心、四個和諧」的理念,但願每個小寶貝都可在玩樂中成長。