【在職爸爸】叫女兒煮宵夜 從生活細節中爭取聊天機會

撰文:
最後更新日期:

一天只有二十四小時,要在忙碌的工作中兼顧家庭相信也令不少在職爸爸感到苦惱。「好爸爸中心」創辦人Anton表示爸爸的職責不只是工作賺錢,他們還在子女的成長中擔當著很重要的角色,「要畀仔女知道你同佢嘅關係、知道佢哋喺你嘅心裏面,要令佢哋覺得『就算你返工好忙但都會記住我』。」另外,爸爸Winston也認為自己和小朋友一起的時間永遠比金錢重要,要學懂取捨才能兼顧工作和家庭。

攝影:鄭子峰(部分相片由受訪者提供)

說起家庭教育,社會通常會把焦點放在媽媽身上。此外,也有不少爸爸認為自己已經忙於工作,於是把照顧子女的責任推給媽媽,但Anton認為其實爸爸在家庭教育的角色都十分重要。「阿仔會睇住你點樣去做一個男士,而阿女就會睇住你同太太點樣相愛、互相支持,呢啲都係仔女係阿爸身上學。」另外,他又指爸爸也扮演一個很重要的角色去教導子女理財、權力和性方面的議題。

Anton會在收工晚上回家時,請女兒煮宵夜給他,爭取時間與女兒傾談。兩父女一邊食,一邊談天。

至於如何在事業和家庭之間取得平衡,Anton指出當爸爸工作愈忙,就意味著他們已不夠時間和能力去見證子女成長。所以,他覺得爸爸如果真的重視子女成長,也是需要付出些少代價,例如賺少一點金錢、休息時間變短。

從生活細節中爭取聊天機會

Anton認為更重要的是,爸爸要從生活中的細節去爭取與小朋友聊天的機會,從而增進親子關係,例如他平日早上會故意早一點起床來送小朋友出門。他又會在收工晚上回家時,邀請女兒煮宵夜給他,「有時夜晚返屋企嗰陣,我會打俾阿女叫佢唔好瞓住,當然唔會係太夜,同埋阿女六年班可以相對夜少少瞓,之後同佢講:『不如你等埋我,煮啲宵夜俾我食』。」之後,兩父女就會一邊吃,一邊聊天增進感情,「一個六年班女仔原來已經有好多心事可以講,佢會講下佢返學點,又會問下我返工返成點。」

另外,他每逢落街回收或想去超級市場買東西時,也會叫兒子跟他一起去,「其實路程都係五至十分鐘,但係都爭取到少少時間去傾偈。去超市佢又會有獎勵,可以買樣佢鐘意嘅嘢。其實都係喺細微嘅機會入面,見得就見,傾得就傾。」他又補充能和小朋友面對面談天當然最好,但平日也會打電話或發短訊給他們,在忙碌的生活中盡量找方法與他們溝通。

Winston(左)與Anton(右)十分珍惜和孩子相處的時間,也認為這是無價的。

為女兒親手製作午餐   讓孩子感受到重視

而Winston也很認同Anton的想法,他認為作為爸爸,應該要意識到自己需要為孩子去取捨。他現在正經營一門小生意,雖然工作時間比較彈性,但不好的是不營業的話收入便會減少。「如果純粹用錢嚟衡量,係會覺得唔開心,陪咗小朋友就曬咗一日賺唔到錢。但我唔想咁諗,我覺得我同小朋友一齊嘅時間係重要過金錢。」

他又指和孩子一起的時間重質不重量,最重要是讓孩子感受到父母的重視,「每隔一個禮拜,我同太太就會整lunch(午餐)俾我個女,好似上星期佢想食漢堡包,咁我就帶佢落去一齊買材料整。其實去超市個十五分鐘,佢已經可以感受到爸爸係重視佢呢餐飯。你要讓小朋友覺得雖然父母好忙,但佢都重要,因為佢哋放工返嚟都好用心理我嘅嘢。」

只要父母平日願意在忙碌的生活中,花一點心思給小朋友,可能只是買一些零食、跟他們說一個故事或陪伴他們看卡通片,當中不用花很多時間和金錢,就可以令小朋友覺得被父母認同、肯定,從而促進親子關係。

 

【周五心意運動】您捐一封$50利是,已可為基層送上溫飽,01心意呼籲您支持【香港青年協會】 ,每$50即可製作5碗愛心湯和心意禮物



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。