【溫多娜手記】永明金融放亞洲區伙記一日假　享受me time

新冠肺炎疫情下，香港好多金融機構都採用在家工作模式，但未必每名員工的家居環境都適合工作。

溫多娜收到風，永明金融香港區近期就擴大僱員福利計劃下合資格康健支出項目範圍，涵蓋電腦顯示屏、辦公室椅，都由公司出錢，員工就唔使擔心在家工作做到頸梗膊痛啦！

另外，公司亦擴大僱員福利計劃下合資格康健支出項目早前已因應疫情，涵蓋外科手術口罩、消毒搓手液、消毒酒精紙和消毒濕紙巾，代表員工購買該等物品自用也可獲得公司資助，若因工作崗位需要而一定要返公司，則免費獲口罩。

雖然公司上星期起逐步恢復辦公室工作嘅安排，但為讓員工安心，員工若擔心可以繼續在家工作，無須要急於返辦公室。公司亦為多謝同事多月以來辛勞，更決定全亞洲區約7,000名同事明日（22日）放假一天，鼓勵同事盡情放鬆、叉叉電，享受「me time」。

據聞香港永明金融行政總裁趙法衡（Fabien Jeudy）喜歡閱讀，相信他會好好利用明日時光睇書！