【溫多娜手記】中電推120周年主題曲　管理層親身上陣唱埋一份

今年係中電（0002）成立 120周年，公司搞吓新意思，推出主題曲《同行．望遠》，中電企業發展總裁莊偉茵、總裁蔣東強同埋營運總裁羅嘉進等一眾管理層都親身上陣，唱埋一份！

呢首歌係由25歲嘅中電二級工程師黃國雄作曲及填詞，佢話首歌係分咗兩部分，前半部分講中電與港人同行，一齊經過高低起伏，後半部分寄語大家努力創新，創造將來，希望聽眾可以感受到裡面嘅正能量。

莊偉茵就大讚話首歌嘅音樂及詞都配合得好好，特別有一句係「低碳共建發展」，係講述公司未來發展重點，而為公司創作歌曲，最大挑戰係帶出公司願景及價值觀，引起聽眾共鳴。