Chino Lam 狐狸先生搪膠內藏嘻哈音樂檔 Double T化身隻狼武士

撰文:
最後更新日期:

玩具設計師、插畫家Chino Lam新作搪膠「狐狸先生」跟DJ Tommy愛將Double T合作,將高佬Rapper變成一隻非常oldskool的美漫日系style武士搪膠,身上細節極多,即將真人Double T與figure狐狸先生比一比。

「狐狸先生」搪膠 和風武士精神

Chino Lam以肥魚搪膠「大豆芽鮪魚先輩」一炮而紅,除了拿手搞動物系搪膠,還有一批跟音樂人聯乘的作品,合作過的藝人有Dough Boy、MC Hot Dog 等,題材自由、玩法即慶。今次伙拍的Double T,原來跟Chino相識於微時,二人過去都在LMF成員的圈子中玩,Chino視M仁為老師、轉投設計行業,而Double T就當了歌手,現時跟農夫一樣是DJ Tommy公司旗下藝人。

$490/Figure現正於Toy Station訂購中,5月中出貨、額滿即止(鍾世傑 攝)

圖左起:Double T、Chino Lam (鍾世傑 攝)

「狐狸先生」搪膠其實本身就是Double T的「新碟」,figure內藏一張micro SD卡,收錄有Double T 8首新歌。Chino為Double T設計了一款狐狸頭盔,搞笑在脫去頭盔後,Figure本身尖眼尖面,一樣像頭狐狸,Chino話:「其實我8年前畫佢個樣送畀佢,已經畫到成隻狐狸咁,figure追加好多細節,因為Double T做事認真,常常講一期一會呢類字,所以就將公仔設計到好似一個日本武士咁。」這figure背後是一份友情的見證,也紀念了Chino自己的舊畫風。

兩大配件:貓咪地藏、狐狸頭盔(鍾世傑 攝)

Chino為Double T設計了一款狐狸頭盔,搞笑在脫去頭盔後,Figure本身尖眼尖面,一樣像頭狐狸。(鍾世傑 攝)

+4
+3
+2

Double T:「我只識專心音樂 多得朋友幫手推廣」

Double T:「2007年我張碟《8年夢》都係用SD card賣,事隔十幾年再次用card賣碟,仲加上由我尊敬的Chino搞隻公仔,都可算係達成一個目標。」

「2012年左右因家庭問題,我要全職轉投餐廳工作,根本冇時間接觸音樂;2015年情況好轉,但心情卻冇好過,好在一班朋友支持,終於在16年揸返住支筆寫歌、不停錄demo。本身唔太識包裝自己去迎合市場,好在身邊有Tommy、Chino同其他人幫我。」筆者率先聽了Double T 新作《狐狸先生》,講某個人的一生,追女仔、工作、返學、迷上打機、父母親去世等等……歌詞非100%是Double T的真實寫照,7分假3分真,有一兩句連筆者都有點感同身受;另外還有首歌講「而家咩都要淘寶」,搞笑又貼地,而它的MV就是用Chino的figure拍:

DJ Tommy:「十年前我都做過賣公仔送音樂」

今次是兩位好兄弟自發互幫的合作計劃,而Double T的監製DJ Tommy呢?他本身都是潮玩買家,office收藏大量絕版1000% bearbrick,自然支持:「其實figure內藏音樂,我2009年已經玩過,當時想在CD以外媒體賣歌,本身又愛玩玩具,所以先搞,冇去到話要改變市場咁宏觀。」

這舊公仔Tommy都只餘1隻,所以不讓我開盒,據他說公仔內藏有USB,直接插電腦就可播放,構思真的行前人幾步,但跟狐狸先生排排企,當然是新作精緻得多,Chino:「本來想將歌曲USB手指式記憶卡放入頭盔,後來我再雕了一隻貓咪地藏做配件,想到電影內的絕世武功秘訣很常都藏於佛像底下,於是就將卡簡單收在貓貓底部。」

圖右是10幾年前Tommy與台灣公司We make a Hit合作推出的音樂figure。(鍾世傑 攝)

圖中就是Tommy的音樂figure,可以拔出頭部當作USB手指,駁電腦播歌。

$490/Figure現正於Toy Station訂購中,5月中出貨、額滿即止



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。