【臥底巨星】陳奕迅耍醉拳向成龍致敬:有諗過係咪要打俾祖名講聲

撰文:許育民
出版:更新:

由陳奕迅、李榮浩主演,谷德昭執導的動作喜劇《臥底巨星》,剛剛上畫,電影向80、90年代香港動作片致敬。講起代表人物,自然諗起成龍、洪金寶同元彪等大哥,當中又以成龍形象最鮮明最易認得出。
講明係喜劇,演出上自然會帶點嘲諷味道,身為巨星的大哥當然唔同你斤斤計較,但拍攝時又會否有點考量?陳奕迅︰「我真係有諗過係咪要打俾阿房(房祖名)講聲。」

起初Eason都不想說明整個造型是取材自哪位動作巨星,但其實一身唐裝打扮,已經呼之欲出。(《臥底巨星》劇照)
陳奕迅的喜劇細胞一直都在,只係大家只看重他唱歌。(《臥底巨星》劇照)

谷德昭︰「Eason有獨特的喜劇節奏​」

陳奕迅的歌藝無容置疑,但其實他的演技也向來被低估,有趣地導演谷德昭早在99年一齊拍《玻璃之城》時,已發現此人未等閒之輩,特別係其幽默感。谷德昭︰「初相識不久,已覺得他有問題,當時一齊拍《玻璃之城》,大家都是做演員,他可以無時停的,埋位就認真做戲,一喊cut就唱歌,這個印象好深。後來從《大佬愛美麗》及《賤精先生》等作品,看得出他擁有獨特的喜劇節奏,所以一直想找機會合作。」

谷德昭覺得喜劇從來都不易拍,而喜劇演員就更加不易做。谷德昭︰「真的要掏心掏肺,用好多能量去令觀眾笑,你要好甘心好肯令人笑先得,現在大多演員只會揀行型格路線。」

+6

【臥底巨星】Eason從影21年演盡小人物 《每當變幻時》魚佬最動人

陳奕迅自小都愛港產片,動作、搞笑、鬼片乜都睇。「我都鍾意《精裝追女仔》,夠賤。」(陳順禎 攝)

陳奕迅︰「有時唔係被笑者嬲」

不喜歡扮鬼扮馬除了唔夠有型,也怕一個唔該得罪人都唔知。就今次Eason由外形到動靜去看,都是切頭切尾地向成龍大哥致敬。他自己也有所考量。Eason︰「我不是模仿亦不是醜化,只是一講功夫就會想起成龍、洪金寶或元彪。我有諗過打俾祖名,『阿房呀,有冇須要同你爸爸講聲?』是有想過,但真的不用。」

會否因為扮鬼扮馬而得罪人,Eason看得好透徹。Eason︰「通常不是取笑人或被笑的對象介意,而是網上的hater寫完,有了這些評論就(傳媒)先可以再延續落去寫。

谷德昭坦言因為拍戲成本愈來愈貴,而喜劇又受地域所限,令很多老闆都唔願投資喜劇,所以有得拍就辰拍。(陳順禎 攝)
陳奕迅戲中角色叫元豹,仲有隊豹家班。(《臥底巨星》劇照)

【臥底巨星】陳奕迅李榮浩復刻港式喜劇 海報大師阮大勇出山助陣

事實上《臥底巨星》亦不止是一部喜劇,當中也有探討一位巨星的背後。谷德昭︰「好記得有次睇Ellen(艾倫狄珍妮)主持的清談節目《The Ellen DeGeneres Show》,邀請到成龍大哥上去,她介紹時亂耍一輪功夫,然後叫一句︰『Jackie Chan』殊不知到大哥出來時,有點像小朋友發脾氣般反問︰『點解請羅拔狄尼路就會用Mr來稱呼,介紹我就要郁手郁腳,好似開玩笑咁呢?』呢一刻你就知道即使去到大哥咁大的超級巨星,佢內心都可能有個缺口未解,所以今次都有將呢段情節放入去。」在笑中有淚,這是喜劇最有趣之處。

谷德昭早就睇中陳奕迅的喜劇細胞,今次終於一齊拍到部喜劇出來。(陳順禎 攝)

陳奕迅
髮型:Roy Yung @xenter
化妝:Circle Cheung @ndnco.co
造型:Felix Wong
服飾:Ralph Lauren
場地:帝京酒店帝京軒