【棟篤特工】與阿佘開Live謝票 黃子華︰開完戒毒會唔再被人睇小

撰文:
最後更新日期:

奇蹟!真係奇蹟!有「票房毒藥」之稱的黃子華,今年終於憑賀歲片《棟篤特工》成功脫毒,上畫首日連優先場票房,已大收270萬,然後短短4日時間,票房就衝突2,000萬大關,其中一日入場人次更超越《黑豹》,連超級英雄都遇到競敵,子華神實在並非浪得虛名。

咁高興,子華同阿佘都不敢怠慢,就在票房衝突2,000萬呢個歷史性時刻,開Live向全港觀眾謝票,即刻睇下呢對好拍檔有咩同大家講。

子華提到電影本來全長160分鐘,但最後要痛刪掉60分鐘,希望有機會俾到大家睇個足本。(FB Live截圖)

子華自爆《一蚊雞保鑣》未係最低票房


這個名為《今夜不防設之黃子華戒毒會+特工解答觀眾大會》,準時凌晨12點開始,一講就個半鐘,足足成部《棟篤特工》咁長。一開始,大家都圍繞電影票房大收2,000萬,替子華成功脫毒開心。子華話︰「今日開完呢個戒毒會,我行出去唔使再被人睇小!」由於票房大收,最近各大傳媒都不停提返子華曾經有部《一蚊雞保鑣》收得11萬。子華︰「我都唔記得係呢個數,11萬係總共喎,唔係一日。」不過呢個都唔係最低處,子華自爆最低一部係1993年自已有份編劇的《人生得意衰盡歡》,「個戲名係我改,衰到呢,得5萬票房,你諗下我威力有幾大。」
 

2009年子華同阿佘合作《絕代商驕》,收視高收,都算係二人的代表作。(劇照)

【棟篤特工】上映2日票房達1100萬 單日入場人次更超越《黑豹》【棟篤特工】黃子華拍片鳴謝28位串星 「多謝大家拯救票房毒藥」

改劇本改到抽筋


「戒毒會」上,邀請了一眾導演、監製同編劇參與,提及「票房毒藥」的威力,大家都笑言最初是本住嚟學下嘢心態,冇諗過最終票房會咁得。而事實上,成功非僥倖,一眾編劇們連同子華,為了這個劇本度了近兩年,而去到最後交貨前10日,子華負責做最後把關,那10日除了食瞓痾,就是全日對住部電腦。子華︰「當時緊張到打字打到隻手抽筋,但都要同自己講︰『唔好抽呀,冇時間喇!』」

戒毒會上,有一眾幕後亮相同大家開Live。(FB Live截圖)

【棟篤特工.專訪】波多野結衣賀歲第一次 最愛黃子華玩Cosplay【棟篤特工】黃子華獻聲主題曲 Sammi、君如群星助陣MV大曬冷

子華在戲中不乏搞笑造型,呢個貓王Look其實係婚禮用。(劇照)

子華︰「11萬同2000萬,對我嚟講都係咁虛幻」


有網民問到子華終於有部戲大收,心情如何?子華忽然感性起來︰「其實11萬同2000萬,對我嚟講都係咁虛幻,有句說話好文學性的,叫做『絕望嘅虛妄係同希望相同』。呢個世界好多人會話你唔得,尤其是現在的網絡世界好多hater不用負責任地批評你。無錯,大部分時間係唔得,但始終間唔中都會得下,我們應該為緊張你嘅人工作,而唔係為話你唔得嘅人生存。」最後阿佘也衷心說一句︰「子華神都可以創造奇蹟,開到呢個戒毒會,我相信大家都可以創造奇蹟。」並揚言如果票房去到4,000萬,會再開一次網上謝票,仲要同大家唱戲中的毒男歌︰「想結伴唱K,想結伴去飛……」

【棟篤特工】子華碌爆卡搵貼地串星 龍婆方麗娟Dickson連環爆gag

子華要變宅男,對自命型男來說,算好大犧牲!(劇照)

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。