【復仇者聯盟4】美國隊長都劇透? 「睇咗一個鐘痛哭三次」

撰文:
最後更新日期:

《復仇者聯盟4:終局之戰》(Avengers: Endgame)倒數一個月上映,相信觀眾最關心的是一眾英雄當中,有哪幾位會「眾望所歸,冇得留低」。

飾演「美國隊長」的基斯伊雲斯(Chris Evan)近日接受外國媒體訪問,竟直認這個備受觀眾喜愛的角色將會死亡,仲話:「我喊到窒息」。

傳過無數次基斯飾演的美國隊長於《復仇者聯盟4》後將會退出Marvel電影世界,各位粉絲都十分唔捨得。

基斯伊雲斯接受外媒《The Hollywood Reporter》訪問,大談事業、家庭與愛情,但讀者近期最想聽的,當然是《復仇者聯盟4》的相關消息,面對劇透壓力,他竟不忌諱爆料:「好嘢呀,真係一套好嘢,我睇咗套戲嘅頭一個鐘頭啦」,記者問他是否看到美國隊長死去便離場,他毫不猶豫地答:「啱呀,就係咁,當我死喺Tony(鐵甲奇俠)手上之後,我就話:『我睇唔到落去啦』。」

【復仇者聯盟4】倒數上畫最後一個月 終極曬冷32張海報揭生死

基斯開玩笑話美國隊長會死在鐵甲奇俠手上,類似畫面的確在《復仇者聯盟2:奧創紀元》中的確出現過。(影片截圖)

重溫美國隊長的英姿

+10
+10
+10

鐵甲奇俠殺死美國隊長?仲以為繼「變形俠醫」麥克雷法路(Mark)及「蜘蛛俠」湯賀蘭(Tom Holland)之後,「劇透者聯盟」又增添一名新力軍,豈料基斯兜個大圈,原來只係吹水戲弄讀者。之後記者再向他套料,他繼續講:「真係好難相信咁都剪到條預告出嚟,因為好多幕都有劇透,你會見到好多角色都…」,說到這裡基斯就掩口扮講錯說話:「我唔應該講呢句」,真係識玩。

【復仇者聯盟4】基斯伊雲斯談美國隊長趣事 兒時最愛係DC英雄

【復仇者聯盟4】基斯伊雲斯演8年美國隊長 獨愛呢一幕:效果好好

無論結局怎樣,都希望隊長唔係喊住離開。(影片截圖)

記者唔放棄繼續窮追猛打,基斯再次解畫:「呢部真係好好,我有三次喊到收唔到聲,(是否因為美國隊長死去?)係呀,望住自己死去真係好難受」,基斯邊大笑邊繼續講:「好肯定呢部戲會好長,第一個版本超過3小時,我個葬禮搞足一粒鐘」,隊長講嘢有幾真,大家參透吓。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。