【2020賀歲片】9部電影大混戰 黃子華羅拔唐尼兩男神正面交鋒

撰文:
最後更新日期:

愈來愈多人睇戲,特別係賀歲呢個黃金檔,平時唔睇戲都會入場湊下熱鬧,同樣,平時唔拍戲嘅都會開套賀歲片來發下新年財。今年香港賀歲檔,大大話話就有成9套電影競逐。

一直被睇高一線,黃子華自編自導自演的《乜代宗師》,兩年前憑一部《棟篤特工》贏到開巷,今年優勢依然,但係咪贏硬就要鬥過先知。因為今年除咗面對祖國猛片《中國女排》、彭于晏《緊急救援》,仲有羅拔唐尼退役鐵甲奇俠後首部電影《怪醫D老篤》,其實仲有個肥仔潛力股都不容忽視。

電影海報中,臉上帶血痕的黃子華被14部手機圍拍,並附以口號「真作假時乜都假」。電影將於2020年1月23日上畫。(《乜代宗師》海報)

華語電影都有7部

唔止香港重視賀歲檔,內地就更加係兵家必爭之地,冇咁上下大製作都憂想可以上畫,所以特別安排一部熱血運動類的《中國女排》,以及講述中國救援隊英勇事跡的《緊急救援》,早在大半年前已落實這個檔期上映,連帶香港都會同步上畫。而除此之外,今年仲有幾部本地製作一齊混戰,戰況相當激烈。

《中國女排》更名《奪冠》後再遇撤檔問題。(劇照)

點擊睇7部華語賀歲電影

+10
+10
+10

《怪醫D老篤》是經典重拍,找來羅拔唐尼主演,飾演一個能跟動物溝通的獸醫。這是他自「鐵甲奇俠」退役後首部作品,都有一定吸引力。(《怪醫D老篤》海報)

過年是合家歡時間,總要有部動畫撐撐場,今年就有套《變雀特工》(Spies in Disguise),講一名頂級特工一弋次意外變成雀仔,咁仲可唔可以執行任務呢?(《變雀特工》劇照)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。