【乜代宗師】農夫作主題曲考起黃子華 加高難度Rap:預佢錄兩日

撰文:
最後更新日期:

黃子華自編自導自演的賀歲片《乜代宗師》昨晚(14日)舉行首映,有份客串的農夫均有出席,兩位除繼續在幕前發揮搞笑本色,更獲子華邀請,擔任主題曲創作,不過子華一拋出題目,二人都呆了。

子華兩年前套《棟篤特工》,已經預C君演一角,二人合作無間。(陳順禎 攝)

農夫二人在戲中都有擔當一角,陸永飾演黃子華「馬家雷拳」同門師弟,「我叫二師叔,在美國開分校。」至於C君就是跟劉心悠學西洋拳。C君︰「我們只是客串,如果好擔心我們演出的話,大可以放心入場,我們只是過眼雲煙。」陸永更強調自己會有動作場面︰「啲場面好『動作』呀,至少要郁,仲要武指去編排。」

兩位叫大家不用擔心儘管入場,「我們戲份好少,過眼雲煙。」(陳順禎 攝)

另外,農夫二人更擔任主題曲創作,子華叫得農夫當然是一首Hip Hop Rap,不過子華一交低個題目,就嚇親人。C君︰「歌名叫《上善若水》,這亦是電影主題,講出要分辨真假,心態必需係上善若水才可以追求到個真理。我就咁講完叫你寫首歌吖,真係好難,我們要傾好耐。」

講到Rap,農夫係專家,終於可以在「神」面前認叻?陸永︰「我哋要叫番佢做神,因為我哋專登設計一啲好難Rap的部份,仲預咗兩日先錄完,點知子華嚟到明顯做晒功課,喺屋企花好多時間去練,佢真係唱到又好有戲,結果一日就錄完!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。