【禁室365天】外國觀眾唔知係三級片 與父母同看反應勁尷尬爆笑
撰文：陳穎思
出版：更新：
近期在Netflix上架的波蘭電影《禁室365天》（365 Days）成為網民熱話，事關這是當地史上首部情色電影，戲中有連場大膽性愛場面，比《格雷的五十道色戒》（Fifty Shades of Grey）的尺度更大。
觀眾話《禁室365天》比《格雷的五十道色戒》更大膽。（電影劇照）
《禁室365天》改編自波蘭作家Blanka Lipińska的同名小說。講述一名叫Laura的女子，因婚姻出現問題而出走西西里旅行散心，順道慶祝生日，豈料期間被名黑手黨領袖綁架，並強迫她在365日內愛上他。
更多電影精彩畫面
電影於今年2月在波蘭上映時相當轟動，累計入場人次高達160萬，成為當地年度票房之冠。這部作品早前登陸Netflix，雖然單睇海報都知惹火，但有不少年輕觀眾不知其底蘊，竟然與父母一同欣賞，結果鬧出不少笑話，以下為網民的爆笑留言：
感覺似同父母一齊睇AV咁囉。
剛剛同阿媽一齊睇《禁室365天》，我幾乎死咁滯。
我見《禁室365天》上熱門咪撳嚟睇，當時喺父母屋企，真係嚇到心都離一離。
開Netfilx第一套彈出嚟就係《禁室365天》，阿爸問我好唔好睇，我話：「唔知呢，似乎幾悶」。
我父母匿埋喺房睇《禁室365天》呀！救命！