【蜘蛛俠3】SONY否認會三代同堂? 粉絲唔信︰唔想太快公布

撰文:沈洛嘉
出版:更新:

超級英雄電影《蜘蛛俠3》(Spider-Man)繼續由湯賀蘭(Tom Holland)主演,有指今集將會跟《WandaVision》和《奇異博士2》一樣,大玩多重宇宙,因此會有多個角色出現在《蜘蛛俠3》中,包括奇異博士、反派電魔等人,有指SONY正在跟「毒魔」湯哈迪(Tom Hardly)商談當中,而早前更有消息指SONY的相關人士證實首代及二代蜘蛛俠均已簽約強勢加盟《蜘蛛俠3》。

外媒《FandomWire》報導,有SONY的相關人士證實首代蜘蛛俠杜比麥奎爾(Tobey Maguire),以及二代安德魯加菲(Andrew Garfield),將會加入《蜘蛛俠3》,而且兩人已成功簽約,認真可以三代「蜘蛛俠」同堂抗敵,兩人將會在最終的大戰,被加入到湯賀蘭的宇宙中。有粉絲笑言有機會好似《復仇者聯盟4:終局之戰》一樣,將他們召喚出來,不過Marvel一向唔做冇新意的事,所以仍然令粉絲很期待一眾舊面孔的驚喜現身!

+12

由於爆出消息後,令粉絲極為哄動,外媒ET Canada向SONY查詢,SONY最終回應:「那些傳言中的選角是未經證實的。」似乎未有全盤否定。有粉絲深信杜比麥奎爾和安德魯加菲已經成功簽約,只是SONY唔想太快公布消息。

有粉絲製圖扮劇照,預先「睇」三代蜘蛛俠同框。(網上圖片)

有網民留言指出「第一代會不會太老呀?」、「第一代係最神似近似漫畫角色」、「第二代完全搵錯人,個樣又囂張、目中無人,零好感」、「第一代仲可唔可以穿到套緊身衣」,不過依然有很多粉絲非常期待睇到三代同堂的畫面,「淨係3代同框已經夠晒號召力」、「好正」、「必睇!」等等,亦有粉絲理性地分析「第一代做到神似但係做唔到蜘蛛俠既幽默,第二代做到多口但係做唔到幽默,第三代先係最接近蜘蛛俠原型」。