《闔家辣》香港首部夏日賀歲片 君如開LIVE追Edan100張MIRROR飛

撰文:許育民
出版:更新:

由鄭中基、梁詠琪(Gigi)、呂爵安(Edan)聯同身兼監製的吳君如主演,鄭晉軒導演、鄒凱光任執行監製的賀歲電影《闔家辣》,因為疫情關係映期一拖再拖,結果意外地創下破天荒香港影壇紀錄,於夏天上賀歲片,未食五月糭就同大家提早拜年,幾位主角仲開視像互相祝賀,電影將於7月14日正式上映。

四位一開LIVE,就先向Edan追擊100張MIRROR飛下落。(影片截圖)

四位主角演得悉《闔家辣》鐵定夏天賀歲,隨即開視像會議興奮討論,鄭中基、Gigi、Edan同吳君如,透過熒幕見面都難掩歡樂氣氛,十足一家人聚舊,君如連頭髮都未剪就即時加入聊天,四人在會議中先各自分享近況, 兼互相祝賀拜早年,氣氛融洽搞笑。

至於一開live,君如就先追Edan 100張MIRROR演唱會有未?戲中飾演Edan媽媽的Gigi都插咀問:「你媽咪唔係冇嘛?」Edan只有誠懇回應:「盡力盡力!沒問題!」追完飛,幾位就開始同大家拜年,君如笑言:「復活節起放了兩個月暑假,我們再一次恭喜發財不可以嗎?」原來係鋪路講電影《闔家辣》鐵定今年7月14日上映,仲強調唔係羅蘭姐個農曆。Edan聽見都開心,坦言再唔上,呢部就唔再係佢嘅處男作。