《醫療船》CNBLUE姜敏赫大膽借醉kiss河智苑 「心空」告白冧死人

撰文:
最後更新日期:

《醫療船》的CNBLUE姜敏赫同河智苑,坐喺海旁飲酒吹水談心好寫意。(網上截圖)

韓劇《醫療船》今集講到CNBLUE姜敏赫同河智苑(又譯:河知雲)一齊去探姜敏赫嘅爸爸,後來發覺原來咁啱撞正姜敏赫生日,河智苑梗係即刻同姜敏赫慶祝啦!同時更迎來兩個人第一次小約會。不過姜敏赫一路為咗爸爸個病而煩惱,而佢爸爸更選擇喺下次發病時,不用進行心肺復甦法,放棄搶救!好彩有河智苑喺姜敏赫旁邊陪住佢傾訴,兩人更飲齊紅酒、香檳和啤酒,夠晒relax!而喺酒精驅使下,更令姜敏赫一手托住河智苑條頸,然後深情錫錫:「多謝你,因為有你喺到,令到我得到好大嘅安慰。」《醫療船》觀眾睇到呢度係咪覺得好「心空」(韓文:심쿵心動)先?其實令人更心空的好戲在後頭啊!

上集《醫療船》CNBLUE姜敏赫同河智苑先攬完,今集已經錫錫喇!(網上截圖)

姜敏赫攬住河智苑問:「好緊張呢?好心空呢?你係因為慌張先喺度搵藉口。」(網上截圖)

(觀看更多)

姜敏赫同河智苑錫錫過後,當然少不了撞到會老尷嘅畫面,不過單刀直入嘅「直進男」先係姜敏赫在《醫療船》入面嘅性格。因為河智苑對姜敏赫@CNBLUE避而不見,又採取強硬態度,扮晒咩事都冇發生過咁,因而令姜敏赫喺宿舍再次向河智苑進攻!姜敏赫:「呢到就係牆?因為有牆所以唔俾我過嚟,係咪?如果你想咁嘅話,你要記住有可能放喺你面前嘅唔係牆而係門,所以你隨時打開門出嚟就好,我會喺門前等你。」哇!姜敏赫在《醫療船》呢段「心空」表白真係會令人好想一聽再聽!如果我是河智苑嘅話,真係會心都融埋,即刻攬住姜敏赫講「我願意」!

見到姜敏赫喺《醫療船》呢個偷笑樣,真係覺得佢好cute!(網上截圖)

更多《醫療船》圖片:

+10
+9
+8

姜敏赫同河智苑喺《醫療船》錫錫片段:

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。