《醫療船》河智苑口不對心囉囉攣 李瑞元宣戰加入三角關係

撰文:
最後更新日期:

再睇多次都係覺得好Sweet!(網上圖片)

人氣韓劇《醫療船》唔止救人同做手術咁簡單,當然仲要拍下拖仔咁啦!上集《醫療船》河智苑(又譯:河知雲)同姜敏赫@CNBLUE錫錫完,河智苑就扮晒咩事都無,其實個心就囉囉攣,仲要姜敏赫個「未婚妻」英恩突然殺出嚟!話要住喺佢地宿舍之餘,仲要同河智苑同一間房!今次姜敏赫點收科啊?

英恩嫌河智苑間房咩都無,瞓得唔舒服。(影片截圖)

雖然英恩就同河智苑同一間房,但英恩就唔滿意河智苑間房無床,覺得瞓被會唔舒服因為太薄,突然就話要去姜敏赫間房同佢一齊瞓,真係嚇死寶寶!河智苑雖然口就話唔care,其實就care到爆!除咗成晚瞓唔着之外,仲係咁諗住想去確認一下兩人係咪真係瞓埋一齊,不過最後理智戰勝咗感情,都係打道回房,不過河智苑就走足成日神,連幫傷者處理傷口個陣都會發呆!要護士嗌佢幾聲先知。種種迹象睇嚟河智苑其實已經泥足深陷喇!

(觀看更多)

BOICE(CNBLUE粉絲)係咪好羨慕英恩呢?(影片截圖)

偷偷出門尋求真相嘅河智雲真係好可愛!(影片截圖)

相信呢個情況都發生過係唔少女仔身上,「佢唔係鍾意我㗎咩?」、「明明有女朋友又話等我係咪傻㗎?」、「佢兩個究竟有無嘢?」等等嘅疑問!好彩姜敏赫係個「直進男」,不停搵機會想同河智苑解釋其實咩事都無發生過,英恩只在佢房到瞓,而自己就去咗同李瑞元孖鋪,又同英恩講得一清二楚,男仔嚟講算係唔話得㗎喇!不過想睇佢地真係和好同再有進一步發展就要等下星期嘅播出喇。

相信咁嘅情況下真係無咩邊個可以瞓得着。(影片截圖)

(觀看更多)_

李瑞元宣布加入戰團,下集開始展開三角關係。(影片截圖)

不過今集《醫療船》開始終於要開展三角關係,李瑞元對河智苑嘅同事感情要轉做愛情,仲放狠話問姜敏赫有幾鍾意河智苑,又話:「如果你鍾意佢就要打醒十二分精神,有可能我會想搶佢!」唔通一套劇入面會有2個「直進男」?

更多《醫療船》圖片

+38
+37
+36

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。