今個秋冬必備item! 《醫療船》河智苑、TWICE都穿灰色格仔

撰文:
最後更新日期:

雖然香港天氣日日熱到喊,但其實10月4日就已經到中秋,係時候去換季填滿衣櫃喇!近排行街shopping,大家有冇發現特別多灰色格仔單品呢?初時見最多的是西裝褸款,後來由one piece到半截裙到長褲都一應俱全,簡直是Glen Check的天下!不過灰色格仔這種pattern,感覺上一穿得不好就會變老土吧?最近有不少韓星都喜歡以格仔打扮示人,我們不妨參考一下她們的搭配技巧啊!

怕老氣?用閃石點綴啦!

Sana@TWICE在頒獎禮上的打扮。(網上圖片)

韓國國民女團TWICE前日出席了音源網站SORIBADA舉行的頒獎禮,當晚她們在台上獻唱,更奪下了音源大獎,而成員Sana、彩瑛都穿上了ALEXANDER WANG的時裝,Sana的吊帶格仔裙價值HK$8,600,連Cara Delevingne都着過!另外,Sana內搭露肩黑色上衣,在腰間繫上閃石腰帶,並戴上閃石耳環,這樣的襯搭,即使是穿上給人老正感覺的Glen Check,看上去也很活潑可愛!至於彩瑛則穿上ALEXANDER WANG的半截短裙(HK$4,700),上身襯以網紋黑衣及短身白Tee,還在裙袋位置加上鍊扣,看上去潮味十足!

Sana@TWICE就是穿這條裙:

+2

TWICE彩瑛穿格仔裙穿得好有潮味。(網上圖片)

TWICE彩瑛的半截裙,連英國名模Suki Waterhouse都着過㗎:

+2

(觀看更多)

《SORIBADA Awards》EXO TWICE Wanna One撐場 VIXX LEO腹痛缺席

露腰是重點!全身格仔都hold住!

BLACKPINK成員Jennie的機場fashion!(網上圖片)

新人女團BLACKPINK一向是Girl Crush的代表,平時上節目衣着打扮都好有型,機場fashion當然亦十分有style,上個月她們齊齊出國飛去日本,參加「a-nation」公演活動,成員Jennie就着住EYEYE的格仔西裝褸(約HK$2,270)加格仔長褲現身,全身格仔其實真係唔易handle!不過Jennie@BLACKPINK在西裝褸內穿上淨白色緊身露腰上衣,露出11字腹肌,一身打扮即時有焦點,一啲都唔悶!

學BLACKPINK Jennie咁着,全身格仔都冇問題啦:

可愛女生必備的小短裙!

可愛風的格仔裙要像IU這樣穿!(網上圖片)

國民妹妹IU最近在《POSCO CONCERT》上演出,不嬲行清純路線的她貫徹形象,穿上品牌O’2nd的格仔迷你裙(約HK$1,410)跳唱。這條迷你裙的裙襬用上波浪設計,走動時裙襬會隨着擺動,很適合活潑的女生穿着!而IU上身穿上白色雪紡質地襯衫,領口的Ruffle設計和蝴蝶結令造型添上浪漫氣息,可愛系女生不妨參考一下IU的着法!

IU呢個着法其實好易襯,白色襯衫大家梗有一件喺屋企嘅:

+5
+4
+3

秒殺小鮮肉的簡約成熟風!

《醫療船》入面的河智苑是位醫生,打扮也比較成熟幹練。(網上圖片)

最近好hit的韓劇《醫療船》有冇睇?最近興姊弟戀大家慣未先?《醫療船》入面39歲的河智苑和26歲CNBLUE成員姜敏赫就發展出好心動的姊弟戀,劇入面飾演強勢醫生的河智苑,到底係點樣「擄獲」小鮮肉姜敏赫呢?看看河智苑在《醫療船》的打扮就會發現,她衣櫃入面真的擁有超多條長褲!上星期播出的一集《醫療船》中,河智苑就穿上SJSJ價值約HK$1,630的格仔長褲,配搭七分䄂白色V領上衣及白波鞋,簡約casual同時又有成熟魅力,難怪連CNBLUE的姜敏赫也被她迷倒!

格仔長褲成日會着到好似見工look咁,太formal!不過學河智苑咁着,casual又成熟:

+4
+3
+2

(觀看更多)

《醫療船》CNBLUE姜敏赫大膽借醉kiss河智苑 「心空」告白冧死人

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。