《愛情的溫度》年下直進男梁世宗超積極 務求攻陷徐玄振姐姐心

撰文:
最後更新日期:

上集徐玄振同梁世宗錫錫完仲拖手仔。(影片截圖)

睇完尋晚第3集《愛情的溫度》記者有感,又一條韓劇定律,就係前面太sweet嘅話,好快就會好hurt啊!相信韓劇《愛情的溫度》第1,2集,年下直進男梁世宗,直接對徐玄振拖手、抄牌同索吻,劇情一啲都唔拖戲,仲以光速進行。雖然韓國真係會有好似梁世宗咁,喺街邊見到唔錯嘅對象會去抄牌,不過機率其實都唔係話好大,劇迷們都係將想象留返喺韓劇到,唔好ff太多喇!

梁世宗終於有電話喇!仲同徐玄振傾得好開心。(影片截圖)

(觀看更多)

《愛情的溫度》徐玄振梁世宗初次見面即告白 揭韓國男生愛即食

講返今集《愛情的溫度》,徐玄振無做編劇助手之後,雖然有收到金材昱嘅提案,不過徐玄振同梁世宗一樣好爽快咁拒絕咗,仲諗住自己交作品去參選,根據劇情發展就梗係去梁世宗屋企專心做嘢,梁世宗仲好乖仔好畀心機咁打動姐姐嘅胃!男士們真係要學下師,識煮嘢食嘅男人真係一流㗎!最印象深刻一定係第3集《愛情的溫度》入面,梁世宗已經想將自己屋企個密碼講畀徐玄振知,仲特登買咗手提電話,為咗可以同徐玄振聯絡,究竟弟弟嘅進攻全盛時期可以去到幾積極!

有機會記者都好想食下梁世宗煮嘅嘢食。(影片截圖)

(觀看更多)

《愛情的溫度》徐玄振梁世宗分手有劇透?  編劇:與原作小說不同

尋晚《愛情的溫度》預告仲已經講到5年後,徐玄振成功成為作家,而梁世宗亦都學成師回歸韓國做主廚,返韓國除咗要開餐廳搵食之外,就梗係要繼續攻陷姐姐嘅心啦!但到時34歲嘅徐玄振會揀年下直進男梁世宗定係高冷CEO金材昱呢?

徐玄振同金材昱食飯個時,決定唔聽梁世宗電話,就咁錯過咗梁世宗飛之前同徐玄振道別嘅最後機會。(影片截圖)

更多《愛情的溫度》的圖片:

+15
+14
+13

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。