《偶像學校》TOP 9誕生盧智善第一 網民︰fromis_點讀條線做乜?

撰文:
最後更新日期:

育成會員過咗尋晚暫時要同《偶像學校》嘅學生暫別一短時間喇。(影片截圖)

尋晚11點就係Mnet《偶像學校》最終回考試選秀直播,《偶像學校》由7月起播足兩個多月,女學生們終於迎嚟可以出道?還是乖乖回去繼續當練習生嘅命運。雖然《偶像學校》播出兩個多月,但前期嘅拍攝同製作早早喺6月已經開始,換句話說女學生們已經整整經歷咗長達4個月嘅相處,唔怪得知睇佢哋Instagram都感受到佢哋感情好好啦!

《幻想中的你》組有宋夏瑛、盧智善、張奎利、李賽倫、李敘延同趙俞利。(影片截圖)

《偶像學校》最終回考試仍然係將學生們分成3組進行表演,3組學生分別會表演新曲《Pinocchio》、《幻想中的你》同《MAGICAL》。《Pinocchio》組有李彩煐、朴智媛、朴昭名、白知憲、李娜景同俞智娜、《幻想中的你》組有宋夏瑛、盧智善、張奎利、李賽倫、李敘延同趙俞利,而最後的《MAGICAL》組則有NATTY、金恩書、裴恩英、賓荷娜、李海印同李詩安。以上18位《偶像學校》學生,最終只有TOP 9 可以喺《偶像學校》中出道,而新女團嘅團名亦都喺尋晚《偶像學校》中正式公開:“fromis_"(from idol school)。雖然有育成會員表示唔太滿意「呢個名真係一啲都唔特別」、「會唔會太求其?」同「點讀啊?個底線有咩用?」等等。不過既然個名都定好咗,育成會員就比多啲支持佢哋啦!

一見到“fromis_"唔少人都問究竟點讀同埋個底線要嚟做咩?(影片截圖)

(觀看更多)

一直以嚟《偶像學校》嘅學生宋夏瑛幾乎可以話係穩坐第一,宋夏瑛喺總共11集入面足足拎過4次第1,反睇盧智善只係拎過兩次第1,仲要係用咗「排名上升券」。不過自盧智善Cover Lovelyz《Ah Choo》擔任Killing Part開始,粉絲數大大上升,而盧智善喺第2次出道評價能力考試入面Cover miss A嘅《Hush》,佢可愛嘅外貌其實有啲似秀智,咁啱佢仲喺擔任秀智嘅部份,清純嘅感覺更係更加吸引一眾男育成會員嘅支持!同時都恭喜盧智善贏到第一名,仲可以係接下嚟嘅出道曲入面擔任Centre同Killing Part,為出道嘅路上踏出重要嘅第一步!

第一名盧智善學生。(影片截圖)

第二名宋夏瑛學生。(影片截圖)

(觀看更多)

而最終可以係《偶像學校》以“fromis_"出道的TOP 9女學生排名如下:盧智善、宋夏瑛、李賽倫、李彩煐、李娜景、朴智媛、李敘延、白知憲同張奎利,幾乎成個《幻想中的你》組都有得出道!雖然未知fromis_幾時正式同育成會員們見面,但fromis_嘅真人Show就會喺10月20日起首播,每逢星期5晚7點鐘播出,育成會員可以見足佢哋5個星期㗎,記得密切留意喇!

第三名李賽倫學生。(影片截圖)

TOP 9以“fromis_"出道女學生:盧智善、宋夏瑛、李賽倫、李彩煐、李娜景、朴智媛、李敘延、白知憲同張奎利。(網上圖片)

更多《偶像學校》圖片

+45
+44
+43

《幻想中的你》組:宋夏瑛、盧智善、張奎利、李賽倫、李敘延同趙俞利

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。