《當你沉睡時》秀智大戰金所炫 李鍾碩完美演活「虛勢男」

撰文:
最後更新日期:

李鍾碩因為激嬲細佬,惟有親自下廚耍冧,結果切親手指又彈傷額頭。(網上截圖)

韓劇嘅男主角特別多「種類」,《鬼怪》入面嘅孔劉同李棟旭叫「悶騷男」,《醫療船》嘅李瑞元同《愛情的溫度》嘅梁世宗就叫「直進男」,依家《當你沉睡時》入面嘅李鍾碩,就完美演活咗最可愛、最靚仔嘅「虛勢男」!

被李相燁激一激,李鍾碩就話要將案件重查一次,呢一幕型到呢!(網上截圖)

所謂「虛勢男」,即係虛張聲勢嘅意思,故意扮到好勁好叻,但其實又做唔好,而李鍾碩在《當你沉睡時》入面,就係一名虛勢男!昨日播出嘅第5、6集中,李鍾碩在死敵李相燁面前大放狠話,話要重新處理金所炫爸爸嘅家暴案件,甚至大膽到頂撞部長,話一定要查清楚:「檢察官對案件仔細唔通有錯咩?」真係好man㗎!

(觀看更多)

《當你沉睡時》第5、6集李鍾碩戀愛高手認證! 扮受傷呃秀智呵番

李鍾碩恃住知道今期六合彩號碼,豪到走去試車。(網上截圖)

不過李鍾碩之所以咁有guts,全因為信咗秀智亂吹嘅六合彩號碼,以為就算劈炮唔撈都可以生活無憂,仲把心一橫諗住買新車!誰知秀智一問:「你唔係信咗我亂講嘅六合彩號碼啩?」李鍾碩登時晴天霹靂,但依然要扮冇事話:「哎,我點會信呢!我講過,我唔會因為錢而講唔應該講嘅嘢!」最後仲要整一整理西裝咁話:「我走先。」實在係太丟臉喇!

不過中途撞到秀智一問:「你唔係信啩?」(網上截圖)

李鍾碩即刻淆底,心諗今次GG了!(網上截圖)

另一邊廂秀智同金所炫兩位女神就掀起大戰,話說金所炫同媽媽因為家暴問題無家可歸,秀智收留了她們,但就每分每秒都同金所炫頂嘴,仲互鬧對方去「便便」去塞馬桶,幼稚得來又好好感情!

(觀看更多)

《醫療船》收視險勝李鍾碩《當你沉睡時》 河智苑為父親自開刀!

秀智同金所炫兩大女神同框,仲叉起腰對罵!(網上截圖)

金所炫雖然年紀細,但演戲經驗一啲都唔少,同樣惡狠狠地睥實秀智!(網上截圖)

今晚播出的第7、8集預告中,李鍾碩同秀智似乎有浪漫戲噃!(網上截圖)

更多《當你沉睡時》圖片:

+35
+34
+33

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。