[韓國直擊]少女時代潤娥8變5後現身釜山電影節　SHINee珉豪起哄動

韓國《釜山國際電影節》BIFF今日舉行，最令人關心的，當然是可能由8變5的少女時代門面潤娥（又譯：允兒）擔任大會MC！今天一眾海外跟韓國紅星如SHINee珉豪、張東健等，亦有出席第22屆《釜山國際電影節》。紅地毯部份約於韓國時間下午5點半（香港時間下午4時半）開始，雖然今日天公不造美，全日一直落雨，但都無阻粉絲見偶像嘅靚靚心情。《釜山國際電影節》現場更播出韓國紅星張東健坐車嚟到會場嘅片段，即時令粉絲尖叫不斷！

少女時代潤娥臨時接任《釜山電影節》MC　頂替大肚金荷娜上陣

除咗《釜山國際電影節》司儀張東健令一直淋雨嘅粉絲心情轉靚之外，SHINee珉豪以一身黑色西裝現身，再打上黑色煲呔亦相當吸引！SHINee珉豪由落車一刻已經引起現場SHINee World（SHINee粉絲）尖叫不斷。而最近演出韓劇《愛情的溫度》嘅金材昱都有出席《釜山國際電影節》，金材昱同樣以一身黑色西裝示人，同場更有tvN人氣大熱韓劇《Signal》主角趙震雄、《最強送貨員》女配角高媛熙、女神孫藝珍、《超人回來了》宋一國同三胞胎大韓、民國和萬歲，以及《三流之路》男配角安宰弘。

最後出場當然唔少得頂替金荷娜做司儀嘅潤娥@少女時代，潤娥穿上白色露背晚裝挽住張東健現身紅地毯，其後她在《釜山國際電影節》台上更表示：「今次十分慶幸以司儀身份出席《釜山國際電影節》，知道有好多國內及海外人士參與，亦感到十分榮幸可以同前輩張東健同台，多謝大家！」

少女時代不解散料變5人團　Tiffany秀英漏夜改IG名

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/