gu9udan世正《首爾時裝周》派心心 型格Fleamadonna着到變可愛

撰文:鄧樂宜
出版:更新:

《2018 S/S HERA首爾時裝周》今日開幕了!每年嘅《首爾時裝周》都會吸引好多韓牌參加,仲會邀請到很多韓流明星親自着上品牌新衫撐場,如果大家追開韓國fashion,就一定要留意佢哋嘅襯搭,因為呢個將會係今年嘅潮流trend!而今日下午時裝品牌Fleamadonna喺首爾DDP舉行collection show,就邀得gu9udan成員世正、孝敏、譽恩、演員陳世娫等等出席,又係大家參考佢哋衣着嘅好時機喇!

攝影:特約記者

gu9udan世正

gu9udan世正擺出心心手勢,好有少女味呀!

品牌Fleamadonna自2007年成立,至今已經達10年,品牌名稱嘅靈感係來自意大利文「Prima donna」,即係歌劇入面嘅首席女主音,品牌宗旨係為愛自己、擁有個人style嘅女性設計服飾,而Fleamadonna嘅作品都好忠於初衷,行嘅係型格、輕熟路線。不過,gu9udan成員世正今日着住品牌白色一字肩ruffle top,配搭粉色暗花超短褲現身,仲擺出心心手勢,呢個襯搭一啲都唔型格,反而好少女好可愛!

gu9udan世正呢件價值169200韓圜(約1167港幣)嘅上衣,睇下Model嘅着法,下身配搭墨綠色長褲,又真係幾有型:

+4

陳世娫、李絮

陳世娫展現甜美笑容,好有演員風範!

Fleamadonna嘅collection show入面,陳世娫同李絮兩位女演員都有現身,而佢哋嘅打扮比起gu9udan世正就更加有成熟味。陳世娫着住白色暗花上衣,配襯淺藍色暗花半截裙,好有浪漫嘅感覺!而李絮就着上銀白色閃片襯衣,領口位仲有流蘇設計,華麗嘅上衣搭襯簡單黑色喇叭長褲,成熟又莊重,配合演員嘅身分。

銀白色主教袖上衣襯黑色喇叭長褲,令李絮看上去更有氣場。

更多圖片:

宇宙少女程瀟

gu9udan世正今日以清新可愛風格現身,但同樣係女團成員嘅宇宙少女程瀟,今日就行casual路線,身穿品牌嘅紅色RSVP長身oversize T恤,下身襯黑色不對稱短裙,簡單得來又夠smart,同世正嘅粉色系好唔同!

宇宙少女成員程瀟好友善咁同大家揮手,好活潑呀!

gu9udan世正今日以清新可愛風格現身,但同樣係女團成員嘅宇宙少女程瀟,今日就行casual路線,身穿品牌嘅紅色RSVP長身oversize T恤,下身襯黑色不對稱短裙,簡單得來又夠smart,同世正嘅粉色系好唔同!

更多宇宙少女程瀟圖片:

(觀看更多) 

【首爾時裝周.直擊】徐玄Tiffany孝敏現身 FleaMadonna型格俏皮

金珍京、譽恩、Heize

Heize(左起)、譽恩同金珍京都着住Fleamadonna嘅外套。

天氣轉涼,又係換冬季嘅時候!Jacket就係最搶手嘅item之一喇!模特兒金珍京、前Wonder Girls成員譽恩、歌手Heize呢3位女神出席活動時,就齊齊着上品牌嘅jacket現身,佢哋嘅外套強調膊頭同腰部嘅線條,令3位更有型格、幹練嘅感覺!

更多金珍京、譽恩、Heize圖片:

+5

孝敏

孝敏呢件恤衫價值214200韓圜(約1478港幣),Fleamadonna嘅官網都有得買!

T-ara成員孝敏以長身白色皮帶恤衫,襯黑色窄身及膝長裙,好有職場女強人嘅氣勢!恤衫腰間嘅皮帶設計,唔單止突顯咗腰部線條,垂到腳邊嘅長度亦令整體嘅造型冇咁沉悶!

更多孝敏圖片:

金裁經

前Rainbow成員金裁經今日嘅造型充滿冬天感,棕色毛毛格仔外套,內襯黑色樽領上衣同黑色皮裙,好型呀!佢仲將外套嘅腰帶隨意綁起,令型格之餘又有點不經意嘅感覺,girl crush就係咁喇!

金裁經露出微笑,似乎心情唔錯!

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/