《當你沉睡時》李鍾碩「個人技」摹倣秀智 天氣凍到狂NG
撰文：鄧樂宜
出版：更新：
秀智呢個眼神會唔會太可愛？（網上截圖）
李鍾碩即刻有樣學樣側頭。（網上截圖）
真係戲裏戲外都咁sweet呀！《當你沉睡時》尋晚播出第13、14集，劇組同時公開咗李鍾碩同秀智嘅拍攝花絮片段，片段入面正係拍攝緊他們喺餐廳門外相遇嘅一幕，秀智見到李鍾碩之後可愛表情爆發，側頭對住他撒嬌，李鍾碩似乎完全被迷倒，導演一嗌OK就立即學秀智側頭，又摹倣得幾似噃！睇嚟李鍾碩又多咗一項「個人技」喇！
天氣實在太凍喇！李鍾碩講台詞都講到一舊舊，不過連NG都NG得咁可愛，算你啦！（網上截圖）
《當你沉睡時》秀智獨自逛公園爆喊 李鍾碩「這個舉動」超暖心！
花絮片段仲紀錄咗李鍾碩同秀智屋企門口講預知夢嘅一幕，當時嘅劇情講到兩人同時夢到李鍾碩弟弟變成殺人兇手，氣氛本來應該好緊張，但偏偏拍攝當日嘅天氣超級凍，李鍾碩同秀智到凍到講嘢口窒窒，一連NG咗好多次！李鍾碩仲笑秀智：「你中咗李鍾碩詛咒！」不過導演都好體諒兩位演員，cut之後仲大讚李鍾碩：「果然係電視劇之匠人！」李鍾碩即刻搞笑自誇：「係結尾妖精！」雖然環境唔理想，但《當你沉睡時》嘅拍攝過程似乎都好愉快！
秀智被李鍾碩NG嘅表情逗笑。（網上截圖）
就係呢個表情，令導演認證李鍾碩係電視劇匠人！（網上截圖）
更多《當你沉睡時》李鍾碩秀智圖片：
+13
《當你沉睡時》李鍾碩秀智出現第三者 丁海寅亂入bromance爭宰璨
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/