38歲秋瓷炫宣布做媽媽! 從《花遊記》下車無緣跟車勝元合作

撰文:沈洛嘉
出版:更新:

除咗7日之後就係宋仲基同宋慧喬呢對宋宋CP大婚之外,近日韓國娛樂圈都有喜事!就係以中國版電視劇《妻子的誘惑》(回家的誘惑)創下極高收視的主演之一,38歲秋瓷炫宣布佢有咗BB啊!尋日就有消息指她已經有咗2個月身孕,目前亦都正為做好胎教而準備當中。

自2011年後,將事業重心轉移中國的秋瓷炫因拍攝《鐵血英雄路》跟于曉光相識,好快就墮入愛河。(網上圖片)

朴寶劍接拍《花遊記》演孫悟空戀上唐三藏? 車勝元介入做牛魔王

早前朴寶劍確定不會參演tvN新劇《花遊記》,因為《花遊記》當中有唔少動作場面以及需要吊鋼絲,秋瓷炫因為懷孕只好從《花遊記》中下車,好可惜兩人都同唔到確定會出演「牛魔王」一角嘅車勝元有對手戲。而秋瓷炫原來喺拍攝《同床異夢2》嗰時傳出懷孕消息,為咗比細兩年嘅老公于曉光驚喜,一直都無同佢講,而于曉光係透過報導先至知道。據知于曉光知道秋瓷炫有咗之後仲激動到喊出嚟!于曉光之後都有喺微博大曬兩人合照,並寫下「謝謝,我愛你!」嘅字句,兩人平時都已經十分甜蜜,經常喺微博上互tag又曬相,相信有埋BB之後只會更加Sweet!相信大家都好期待小于可愛嘅來臨!

于曉光尋日上傳兩人合照,並寫下「謝謝,我愛你!」(網上圖片)

更多秋瓷炫、于曉光圖片

+9

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/