【宋仲基宋慧喬結婚】Oppa爸媽點睇新抱？ 爆料記者預告下單戀情
撰文：沈洛嘉
出版：更新：
Viu《K1頭條》一連4晚，繼續由Dispatch記者朴惠真講述當初追訪宋仲基宋慧喬宋宋cp嘅過程，其中就問到東京密會照片已經係宋宋cp拍拖最強而有力嘅證據，點解過咗成大半年先揭宋宋cp嘅戀情、當時係咪已經即刻聯絡咗宋宋cp嘅所屬經理人公司而佢哋又點回應呢？
宋仲基跟宋慧喬相約友人吃飯，公開婚訊。（圖片由Viu《K1頭條》提供）
朴惠真記者就表示：「喺取材嘅過程中就已經確定咗宋宋cp係戀人關係，係繼續取材嘅期間就發現宋宋cp唔單止係戀人關係，而已經到咗談婚論嫁嘅階段。原本打算係將宋宋cp準備結婚嘅相都影低埋，但就因為經理人公司方面搶先一步公開咗，反而我哋打電話去係恭喜佢哋。」
朴惠真記者發現佢哋唔單止拍拖仲諗埋結婚。（圖片由Viu《K1頭條》提供）
【宋仲基宋慧喬結婚】Dispatch記者親身爆料 宋宋cp幾時拍拖？
之後就有消息提及仲基oppa嘅爸爸略嫌宋慧喬年紀齡比宋仲基大，覺得唔太夠傳統。當然都有問到朴惠真記者究竟仲基oppa嘅爸爸媽媽點睇喬妹呢位未來新抱仔呢？朴惠真記者就講到：「其實兩家人對於宋仲基同宋慧喬拍拖都好滿意，覺得係一場美好嘅相遇，亦都有為佢哋送上祝福。」而朴惠真記者就覺得宋仲基同宋慧喬係亞洲最佳情侶，兩人性格好似，而且佢哋出咗名係拍攝現場都非常照顧工作人員，平時都好熱心公益，都係對暖男暖女，仲話好期待兩人會成為模範情侶添！今晚最後一集朴惠真記者仲會大爆下一單戀情爆料時間，唔知今次係偶像定係演員呢？
宋仲基宋慧喬結婚仲有3日咋！（圖片由Viu《K1頭條》提供）
更多圖片
+14
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/