【韓妝】教主Pony襲港粉絲朝聖 即場教港女完美化妝技巧
撰文：黎嘉穎
出版：更新：
韓妝教主駕到！有睇開韓妝的絲打們，一定會為今日主角落力歡呼 — 她就是公認仿妝界的神，同時亦是韓國女團2NE1前隊長CL的御用化妝師Pony！一直受到全球貪靚女生崇拜的Pony，今日大駕光臨尖沙咀，出席由日本彩妝品品牌shu uemura舉行的活動，更即席分享化妝心得，吸引不少少女前來面聖。
黃國立攝
可以同到教主合照，這些機會⋯⋯
換上一頭紫粉紅色短髮的Pony，今日就以一襲黑色通花長裙現身，感覺高貴又可愛，而原來今次是Pony第二次來到香港，對於香港Pony就話自己好鍾意這個地方，而且仲有很多她想發掘的得意事。臨近聖誕，今次shu uemura就同卡通人物Super Mario聯乘推出一系列得意彩妝，而Pony見到都即時童心大發，話包裝好可愛，兒時回憶返晒嚟。
韓妝教主Pony駕到，一個笑容已經令一眾少女粉絲尖叫！
shu uemura是日本彩妝界的代表，Pony亦講到比起其他亞洲國家，日本妝容在用色上較為大膽鮮豔，所以給人一種活潑開朗的感覺，而早前才去過日本旅遊的Pony，亦話在當地得到唔少化妝靈感。至於香港妝容，Pony就話知香港人似是可以完美消化東洋及西洋風的妝容，而且知道香港人非常關注護膚，所以強調平時一定要做足潔膚步驟，先可以化個靚妝。最後，Pony仲同數位幸運兒自信，令在場其他少女粉絲極葡萄。
Pony讚日本人化妝用色大膽，香港人就完美消化東、西洋風妝容。
+4
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/