前《Running Man》Gary老婆身份公開！ 金鐘國爆料：唔係中國人
撰文：施可瑩
出版：更新：
《Running Man》成員金鐘國今日嚟到香港出席品牌活動，活動完結後接受記者訪問。對於曾經同係《Running Man》成員嘅Gary的BB早前出世，金鐘國表示自己都係通過社交平台先知道呢個消息！所以仲未有機會可以見到小朋友，但佢都真心祝福Gary。
《Running Man》金鐘國接受訪問，爆料指舊拍擋Gary老婆原來係韓國人，唔係中國人啊！（梁碧玲攝）
金鐘國話自己都係上網先知Gary個小朋友已經出世（網上圖片）
記者當然把握機會問吓Gary老婆係咪傳聞中嘅中國人呢？金鐘國就爆料話Gary老婆其實係韓國人，仲好靚同好善良！相信今次可以解開《Running Man》粉絲嘅疑惑啦！
對於自己成日被人催婚，金鐘國都開始感到尷尬！（梁碧玲攝）
金鐘國來香港力邀宣萱上《Running Man》 「最想一齊做運動！」
早前同係「龍年兄弟」兼《龍年俱樂部》拍擋嘅車太鉉，就爆料話金鐘國喺美國有女朋友！金鐘國因而把握來到香港的公開場合澄清否認。金鐘國表示同車太鉉真係好熟，對方由十年前已經開始周圍開玩笑，講到身邊啲朋友都相信金鐘國真係喺美國有女朋友！事實只係金鐘國嘅媽媽好鍾意美國，所以一有時間就會帶媽媽去美國休息。金鐘國仲話自己宜家係單身，仲好心急想結婚，但係都會等到談婚論嫁嘅階段先會公開戀情。希望可以早啲聽到金鐘國嘅好消息啦！
金鐘國用香港今次呢個公開場合，澄清自己仲係單身㗎！（梁碧玲攝）
更多金鐘國來香港圖片（梁碧玲攝）：
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/