朴信惠澳門率先過Xmas 為聖誕樹亮燈內藏過百萬顆Swarovski水晶
撰文：張穎倫
出版：更新：
早前因為韓國地震而捐咗5,000萬韓圜（約HK$35萬）的女星朴信惠，趁住聖誕前今日率先去到澳門，同香港、澳門嘅粉絲過節。朴信惠拍的新電影《沉默》在韓國上映不久，她飾演的正義律師大獲好評，難怪今日來到澳門都心情大好！
朴信惠除了會捐款賑災外，今次更預備聖誕禮身，送俾身邊朋友。
朴信惠今日穿上勁趁聖誕氣氛的紅色連身裙，現身澳門威利斯人購物中心為Swarovski水晶聖誕樹亮燈。雖然今日係平日，但作為韓劇女神的朴信惠，依然吸引不少粉絲一放學就趕來見偶像！朴信惠為Swarovski水晶聖誕樹亮燈之後，見到咁多粉絲來到，都話好開心可以提早同大家迎接聖誕節，而且更希望可以在澳門去旅行。作為香港粉絲，當然都想朴信惠可以順道過嚟見見大家啦！值得一提係朴信惠今次主持亮燈的聖誕樹不但高12米，而且更掛上逾百萬顆Swarovski水晶，在韓國都未必見到。
大會送給朴信惠的聖誕帽好細頂，原來係送俾朴信惠屋企兩隻貓，好有心思。
【朴信惠香港見面會】自爆鍾情年上男 𠝹傷手堅持為粉絲炮製便當
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/