神話M李玟雨香港fan party 自爆：出碟仲緊張過有賊入屋！
韓國元祖男團神話成員M（李玟雨）同申彗星今日喺香港亞洲博覽館各舉行一場粉絲見面會，破格一張飛可以睇晒兩場show，而《2017 LEE MIN WOO FAN PARTY in HONG KONG》就先喺下午3點38分正式開始。M着住寫有NY字樣的白色冷衫，戴上黑超加埋live band伴奏下出場先唱兩首歌，而神話創造（神話粉絲）都準備好橙色氣球為李玟雨應援！
攝影：江智騫
M亦好識冧神話創造，一路唱歌仲一路畀心心，唱完兩首歌就即刻進入傾偈環節。李玟雨換走黑超戴上眼鏡，先同神話創造問好：「大家近來好嗎？好掛住大家！」仲大叫兩次「I love Hong Kong」添！M又講到上次嚟香港同大家見面已經係2013嘅神話演唱會，問到今日嚟嘅神話創造當時有冇在場？仲笑言見到有幾位神話創造冇舉手冇去到。
M時隔4年冇同香港神話創造見面，大家都好關心佢嘅近況，因而馬上進行即問即答環節！問到李玟雨最近最深刻嘅事喺咩時？M就話係釣魚，仲話自己愛釣魚愛到「中毒」，但自言技術就唔算好叻，只係運好。而喺嚟緊未播出嘅一個節目入面，M仲釣到比喺《三時三餐》更大嘅魚，想知李玟雨有幾好運就要睇新節目喇！
神話Eric羅惠美蜜月歸來惹禍？ 被指秘密入境「呃」服裝贊助
而講到M發第一張solo專輯定係舉行第一個solo演唱會緊張時？李玟雨都苦惱咗一陣，而M最後都係揀solo專輯，因為係第一張solo專輯嘅關係，當時好期待又好緊張，更同時用晒佢嘅熱情。之後，M都補充其實第一次solo concert預計開兩日，點知第二日就有賊入屋，嗰時都好驚，算係另一種緊張！
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/