盤點必睇冬季韓劇 《鬼怪》之外還記得宋慧喬的這部嗎？
去年嘅12月，大家都因為《鬼怪》而為孔劉、李棟旭等人瘋狂。今年12月已到，下星期香港的氣溫都會下降了！是不是終於有了冬天的實感呢？雖然香港不會似韓國一樣有白色聖誕，但大家不妨可以在聖誕假重溫一下超有冬日感覺嘅韓劇，讓自己心靈上都可以過一下白色聖誕啊！
《鬼怪》
一講冬天大家一定會聯想起雪，雪就一定唔少得今年年頭嘅tvN神劇《鬼怪》，雪景多之餘，故事都同雪有關係架！因為當初孔劉扮演金信就同金高銀飾演嘅池恩卓約定係初雪果日幫佢拔劍。加上大熱得獎OST《I Will Go To You Like The First Snow》（첫눈처럼 너에게 가겠다）都係呼應返「雪」，一聽就回憶起幕幕經典呀！
《來自星星的你》
《來自星星的你》將炸雞同啤酒文化廣傳，但同時大家都因為呢套劇，所以見到有雪嘅時候就會學全智賢飾演嘅千頌伊一樣躺在雪地上玩！當中，金秀賢飾演嘅都敏俊用自己嘅技能「時間暫停」，之後就去Kiss全智賢，成為咗「冬季劇」嘅其中一個經典鏡頭。
《那年冬天風在吹》
由宋慧喬同趙寅成主演嘅SBS電視劇《那年冬天風在吹》係2013年播出就已經係熱話。當時宋慧喬飾演有視力障礙的有錢女吳英，以出色的演技大受好評。劇入面就係善用了冬天作為元素去打造出更淒慘的感覺。不過宋慧喬同趙寅成嘅「棉花糖之吻」都成為一代經典架！
《冬季戀歌》
講「冬季劇」就一定要講經典之最－《冬季戀歌》，係2002年播出時，裴勇俊同崔智友就係因為《冬季戀歌》紅遍亞洲，成為大家都熟悉嘅韓流明星架！到咗今時今日，大家去到韓國都仲有好多景點用《冬季戀歌》做賣點就知幾叫座啦！你又有睇過嗎？
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/