[MBC演技大賞]柳俊烈南志鉉出場行錯位　徐玄@少女時代先奪新人獎

經過昨日《KBS歌謠大祝祭》、《MBC演藝大賞》後，韓國今晚就有《MBC演技大賞》同《SBS演藝大賞》陪住大家過2017年，特別係MBC先前受到罷工影響，最終都順利舉行《演技大賞》都算小驚喜！《MBC演技大賞》一開始先由南志鉉、柳俊烈頒發第一個新人獎，不過開始時就有小出錯，因為南志鉉同柳俊烈出場時唔小心行錯咗去頒獎嘉賓嘅位置，要在鏡頭前再行多次，搞到柳俊烈即時話：「希望大家當咩事都冇發生過！」而南志鉉就話：「我哋太緊張喇，不過宜家鬧一鬧咩緊張都飛走晒啦！」

至於《MBC演技大賞》女新人獎，就由少女時代完約成員徐玄（又譯：徐賢）以《小偷傢伙，小偷大人》奪得，徐玄發表感言表示：「首先很感謝！作為演員，獲得人生只能夠得到一次嘅新人獎，以《小偷傢伙，小偷大人》作品獲獎真的很開心！可以跟非常優秀嘅工作人員一齊做嘢好開心，多謝導演、作家、工作人員等。我真的有很多不足，謝謝池賢宇哥哥對我的包容以及照顧，謝謝你們！我愛你們！以後會成為更優秀的演員，謝謝！」

【MBC演藝大賞】Henry@SJ-M得獎暗念SHINee鐘鉉：人生既短又鬱悶

《MBC演技大賞》另一位女新人獎得主李先彬就表示：「首先謝謝天父爸爸，《Missing9》真係喺好凍嘅天氣進行拍攝，大家都辛苦了，真係好感謝大家以及MBC，以後會繼續努力演戲，謝謝大家！」

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/