《MBC演技大賞》俞承豪送抱畀L@INFINITE Wanna One重演名台詞

撰文:
最後更新日期:

Wanna One姜丹尼爾雖然去了《SBS演藝大賞》領獎,但全隊並無厚此薄彼,更特地為《MBC演技大賞》拍片!(網上截圖)

Wanna One姜丹尼爾更扮經典韓劇《貝多芬病毒》中的金明民。(網上截圖)

Wanna One成員姜丹尼爾同邕聖佑雖然去咗隔離台《SBS演藝大賞》,但係Wanna One全隊11子:姜丹尼爾、朴志訓、李大輝、金在奐、邕聖祐、尹智聖、朴佑鎮、裴珍映、李大輝、HOTSHOT河成雲、NU'EST黃旼炫同賴冠霖,就以「本年度話題人物」幫《MBC演技大賞》拍片,更扮MBC名作再講埋入面嘅名台詞!其中姜丹尼爾扮《貝多芬病毒》的金明民,而李大輝就扮《善德女王》高賢廷。其實搵Wanna One拍呢條片嘅原因,係因為朴志訓8歲時作為童星曾經拍過2006年嘅《朱蒙》,入面嘅眼淚演技令人讚不絕口,而佢細個同BIGBANG隊長G-Dragon,參加綜藝鬥快流眼淚時更贏埋GD,演技絕對唔差,希望在不久將來好快可以見到長大嘅朴志訓拍韓劇啦!

李大輝扮《善德女王》的高賢廷。(網上截圖)

幾時先會見到Wanna One朴志訓拍韓劇呢?(網上截圖)

+17
+17
+17

至於MBC今年的重頭作《Missing9》亦再有演員獲獎,崔泰俊憑住崔泰浩一角贏得《MBC演技大賞》的「最佳反派角色」!崔泰俊領獎時表示:「多謝天父爸爸!拍攝《Missing9》期間真係好凍,又要跳落大海,又有強風機吹住,大家都好辛苦。喺拍攝過程中,我有好大野心想挑戰演技,好彩有好多工作人員、同僚嘅照顧以及幫忙。希望下次唔使再跳入海,可以扮一次富家子弟。」之後崔泰俊都話自己,其實係講下笑咋!

崔泰俊以《Missing9》獲得《MBC演技大賞》「最佳反派角色」。(網上截圖)

十分意外自己在《MBC演技大賞》獲獎嘅L@INFINITE。(網上截圖)

+6
+6
+6

繼少女時代完約成員徐玄(又譯:徐賢)獲得《MBC演技大賞》的女新人獎後,同是idol出身的INFINITE成員L(金明洙)就以《君主-假面的主人》獲得「最佳斗魂演技獎」。而十分湊巧係由《君主-假面的主人》的男主角俞承豪頒獎畀L,L上台後俞承豪都即刻送咗個擁抱畀L!而L@INFINITE就表示:「拍攝時唔止我一個辛苦,好多工作人員都好辛苦,加上喺好凍嘅天氣下進行拍攝,真係好感謝大家!」

頒獎嘉賓俞承豪先送擁抱畀L@INFINTE,兩人一同拍攝《君主-假面的主人》一齊抵受嚴寒天氣。(網上截圖)

《君主》呢一幕都好值得L@INFINITE在《MBC演技大賞》攞獎

[MBC演技大賞]柳俊烈南志鉉出場行錯位 徐玄@少女時代先奪新人獎

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。