和遊記又停播? MBC播完Two Cops、不是機器人啊停足5星期無劇睇

撰文:沈洛嘉
出版:更新:

上星期tvN先發公告表示︰「為咗更加仔細嚴查製作環境,原定喺30日播出嘅第3集將會延遲一星期播出」,換句話說即係由車勝元、李昇基、吳漣序同FT Island成員李弘基主演嘅《和遊記》宣佈停播一星期,正當一眾劇迷們滿心歡喜就嚟等到今個星期六、日,可以睇到新一集《和遊記》時,今日竟然又有消息指「未能確認《和遊記》本週是否能夠正常播出,需要根據聽日警方嘅調查結果先可以決定係咪播出」,所以到目前為止都未有確實消息指《和遊記》何時播出新一集。

到底幾時先有得睇《和遊記》?(網上圖片)

除咗tvN之外,MBC早前就受罷工潮影響,影響唔少節目如:《無限挑戰》、《小偷傢伙,小偷大人》、《多樣的兒媳》、《做飯的男人》都要停播。雖然罷工潮已經結束,MBC新任社長要喺7號先會正式上任,令到準備唔切新電視劇。今日就有消息指MBC會喺播完曹政奭同Girl’s Day成員惠利主演嘅《Two Cops》同埋俞承豪跟蔡秀彬主演嘅《不是機器人啊》就後,就會停播月火劇以及水木劇長達5星期!作為韓迷真係表示好難捱囉!

《不是機器人啊》同《Two Cops》嘅演員分別喺2017《MBC演藝大賞》攞走唔少獎項!(網上圖片)
+29

MBC方面表示:「考慮到因為冬季平昌奧運會播出時,同時段嘅電視劇將會停播,所以我哋決定推遲新作品首播,更因此可以為製作新電視劇提供充足嘅時間,我們將會喺冬季平昌奧運會後推出新電視劇,更會慢慢地咁準備好。」即係最快MBC都要2月尾先會推出由禹棹奐和JOY@Red Velvet主演嘅新劇《偉大的誘惑者》。

由禹棹奐和JOY@Red Velvet主演嘅《偉大的誘惑者》將會接檔《Two Cops》。(網上圖片)

工業意外CG出錯 車勝元李昇基《和遊記》宣佈停播!

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/