FTIsland為崔敏煥同前LABOUM律喜寫結婚祝歌　李洪基:我都想結婚!

韓國樂隊FTIsland忙內崔敏煥，今日喺個人Instagram自爆閃電結婚後，一眾哥哥李洪基（又譯：李弘基）、崔鍾訓、宋承炫、李在真都通過個人Instagram為弟弟送上最真心嘅祝福，仲有消息指FTIsland成員正為崔敏煥同前LABOUM律喜嘅婚禮寫祝歌添！首先FTIsland老大李洪基，上載一張崔敏煥為佢斟酒嘅相，並寫下「我們忙內！我們小芹菜！要結婚了！真係恭喜你同埋覺得好神奇哈哈，要好似你講一樣幸福健康好好生活啊，同時都要努力做音樂，比起哥哥們早一步結婚開心嗎？你睇隔離鐘訓個樣，真係好恭喜我弟弟，一定要幸福❤❤我都想結婚啊！Ps primadonna（FTIsland粉絲），係咪嚇一嚇呢？有可能會唔鍾意，所以敏煥都好擔心，會以更好嘅音樂作為禮物送畀大家，我哋無論咩時候都會成為你哋best friend，要給予祝福啊！」

FTIsland另一成員宋承炫，就喺個人Instagram寫下「敏煥啊！無論咩時候我都係企喺你嗰邊！真心恭喜你結婚，（現在）作為人生前輩拜託你喇哈哈，恭喜。」

FTIsland隊長崔鍾訓就在個人Instagram寫下「我們忙內係1位正直又好有責任感嘅弟弟。當然仲係好年輕，相信你可以幸福地好好生活，我哋剩低嘅成員會支持同祝福你。當然律喜都非常乖巧同正直。希望呢對美麗嘅情侶可以成為幸福美滿嘅家庭，要幸福啊！恭喜！永遠嘅忙內小芹菜！」

最後就是FTIsland的低音結他手李在真，佢在個人Instagram寫下「恭喜你，敏煥啊！你快過晒哥哥們，最先走上呢條幸福嘅道路，我哋以後都會祝福你之後嘅人生，仲有我哋Pri（歌迷Primadonna），大家都要祝福我哋敏煥啊！」

FTIsland崔敏煥LABOUM前成員拍拖3個月閃婚　韓國消息：律喜大肚

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/