《與神同行》片尾彩蛋馬東錫　續集拍好戲名都有埋？

近排最hit的韓國電影《與神同行》，由河正宇、車太鉉、朱智勳、金香起、李政宰、EXO成員D.O（都敬秀）主演，《與神同行》改編自韓國漫畫家周浩旻所繪的同名漫畫，講述身為「貴人」嘅車太鉉死後由陰間使者河正宇、車太鉉同金香起送去接受7個地獄審判嘅故事。

《與神同行》打住超越《屍殺列車》同《軍艦島》嘅製作費旗號，堪稱韓國史上NO.1天價神幻巨片，觀眾睇過電影之後，不得不讚賞韓國CG技術已日漸成熟，運用更非常到位！就連《狂獸》導演李子俊都話自己喺拍攝《狂獸》期間都有用到韓國拍攝技術，更指好多技術上嘅特效都需要借用到韓國人。而《與神同行》成套電影最令人期待嘅一定唔少得7個地獄，當中包括「暴力」、「謀殺」、「說謊」、「怠惰」、「不義」、「背叛」、「天倫」（不孝），雖然片長有限，唔能夠詳盡細說每一個地獄審判。不過記者對於「楚江河」地獄（審判「怠惰」）以及「天地鏡」地獄（審判「背叛」）就有極深的印象。

在《與神同行》最能令人反省自己一生嘅地獄，相信會係「楚江河」地獄，因為入面有楚江大王（金海淑飾）審判車太鉉一生係咪過得充實、有無虛耗光陰等？看《與神同行》時，觀眾可能都會反省一下自己，而記者就不禁諗到自己讀書時，暑假每天都掛住去玩，次次都係到假期完結前先做功課，真係要幾HEA有幾HEA！再看看《與神同行》中，車太鉉不但盡力幫人，更為咗家人而努力搵錢，不期然再令人反省自己真係好似懶蟲一樣，如果死後真係要受審判的話，記者一定過唔到呢關！

《與神同行》另外最打動人心嘅一幕，當然係最後嘅「天倫」（不孝）地獄，事關人人都有過青春期、反叛期，會覺得屋企人好煩、事事問、管住晒，但就冇諗過明其實是屋企人關心自己嘅表現。至於車太鉉在《與神同行》中的成長過程冇反叛之餘仲對屋企好好，成日搵錢返屋企，反而因為發生小事而離家出走，斷送咗同屋企人相處嘅時光，誰不知其實自己媽媽一早已經原諒咗自己，只係未有機會好好表明心意。其實這種問題都發生喺好多呢類人身上，大家都只係欠缺一個開口時機。作為一家人有誤會必定要盡早解開，以免浪費人生有限嘅光陰，珍惜關心你嘅人啊！

《與神同行》有喊位都有笑位，能言善變嘅河正宇、懵懵懂懂嘅車太鉉、玩世不恭嘅朱智勳、年輕少艾嘅金香起為整套電影生色不少。《與神同行》係一套可以令你反省自己嘅電影，相比起《屍殺列車》更加表達出親情之間嘅情感。傳聞《與神同行》係一次過拍晒1、2部，河正宇、朱智勳、李政宰都會繼續現身，就連《與神同行》片尾出現嘅馬東錫、金鐘民都好大機會出現喺《與神同行2》（《與神同行：最終審判》）。之不過，已經成功投胎嘅車太鉉就冇份拍續集，唔知河正宇、朱智勳喺《與神同行2》要護送嘅「貴人」會唔會係車太鉉在今集中嘅弟弟金東昱呢？

《屍殺列車》孔劉同鄭有美結婚？　婚禮場地同宋仲基宋慧喬一樣！

《與神同行》香港預告片

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/