[成勛專訪]孖少女時代Yuri拍心裡的聲音 想做吻戲匠人定肩膊流氓

撰文:
最後更新日期:

承接返上一個《香港01》韓迷頻道同《焦急的羅曼史》主演成勛做嘅訪問,下半部就同成勛傾到佢比較私底下一面!話說成勛喺《焦急的羅曼史》中,有一幕就講到成勛喺屋企煎牛扒畀Secret宋枝恩食,問返成勛如果喺現實中嘅話,會帶女朋友去餐廳食飯定返屋企親自下廚煮愛心餐時,暖男又聽話嘅成勛就表示:「只要係女朋友想嘅話就會聽佢講,女朋友話出去食就出去食,女朋友話想喺屋企食就煮畀佢食!」成勛真係好sweet又好錫女朋友啊!其後成勛再表示自己最叻就係炒飯,西式料理就唔太擅長,所以未來女朋友如果想食成勛整嘅西餐就可能要多啲包容喇!

攝影:陳順禎 鳴謝:上水廣場

估唔到成勛原來咁聽女朋友話,女朋友話想食咩就食咩,邊個話韓國男友好大男人㗎?

講到成勛未來女朋友,又點可以唔問成勛嘅理想型係點呢?當時成勛諗咗一陣,先話:「如果外形嚟講,我比較鍾意可愛啲嘅,希望佢會有多啲嗜好,例如識得打機,可以同我一齊玩,一齊分享唔同嘅興趣!」想成為成勛嘅女朋友就要由今日開始學打機,培養多啲嗜好喇!

如果想做成勛個女朋友,原來係要學下打機啊!

另外,提到成勛有「吻戲匠人」之稱時,佢都好謙虛咁回應:「其實都係虛銜嚟,因為導演拍得好,畫面影出嚟靚,所以先會令大家咁覺得。」明眼嘅韓劇迷,當然知道其實係成勛做得好啦!嚟緊成勛仲會出演綜藝節目《心裡的聲音2》,今次佢就會做李光洙之前所飾演嘅趙石一角,仲會同少女時代成員Yuri(飾演愛鳳)有對手戲添!《心裡的聲音2》今年就會播出,SONE(少女時代粉絲)同成勛嘅粉絲記得要支持啊!

好期待成勛同少女時代Yuri喺《心裡的聲音2》嘅合作有咩火花啊!(資料圖片)

成勛除咗有「吻戲匠人」之稱之外,佢個膊頭都好出名㗎,仲有「肩膊流氓」嘅稱號添!正當記者想向成勛借鏡,學吓點樣先可以做好身材管理時?成勛竟然回答:「我冇管理喎!成個星期都唔會做運動,有行程嘅話前一日就會匿埋喺屋企咩都唔做!」即時令記者一個頭兩個大,究竟點樣可以唔做管理,都有咁好嘅身材呢?

韓劇迷同記者都好想畀成勛一抱入懷啊!

+10
+9
+8

最後問到成勛究竟幾時先會嚟香港開粉絲見面會?真正同粉絲見面、溝通、玩吓遊戲咁?成勛就表示:「其實一開始我以為今次倒數係個人活動,不過可以同香港粉絲見面都已經好開心!嚟緊當然會想再嚟開粉絲見面會,不過就要公司方面商量好先得,希望大家再耐心等吓!」成勛真係有計劃嚟香港同大家見面㗎!再畀啲耐性等一多成勛一等啦!

粉絲們一定會等成勛再嚟香港㗎!

【成勛專訪】聖誕節病住孤單過 《焦急的羅曼史》後有搵宋枝恩?

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。